Anëtarit të Kryesisë së Lëvizjes Vetëvendosje, Xhelal Sveçla, nuk i ka pëlqyer deklarata e ish ambasadorit të SHBA-së në Kosovë, Greg Delawie, i cili situatën e krijuar ditë më parë në Kongresin Amerikan e ka krahasuar me atë në Kosovë, kur Lëvizja Vetëvendosje hidhte gaz lotsjellës në seancat e Kuvendit.
Sveçla, përmes një postimi në Facebook, ka thënë se “ditëve të fundit, pas shkeljes së integritetit të Kongresit dhe Senatit amerikan, ka tendenca dashakeqëse të krahasojnë këtë sulm kriminal me hedhjen e gazit lotsjellës në Kuvendin e Kosovës. Po them dashakeqës sepse nuk ka asgjë të ngjashme mes këtyre dy ngjarjeve”.
“Së pari në shtëpinë e përfaqësuesve në Washington, banda të organizuara sulmuan ndërtesën dhe seriozisht rrezikuan jetën e senatorëve, kongresmenëve dhe personalit”, ka shkruar Sveçla, përcjell Telegrafi.
Më tej Sveçla ka thënë se “hedhjen e gazit në parlamentin e Kosovës e kemi bërë ne përfaqësuesit e popullit të Kosovës dhe askush nuk ka hyrë me dhunë nga jashtë”.
“Motivi i sulmit në Washington ishte mbajtja e pushtetit me çdo kusht të një personi që humbi zgjedhjet e lira atje, kurse ne bëmë aksion simbolik për të mbrojtur 8200 hektar të territorit të vendit tonë. Për dallim nga atje, edhe pse padrejtësisht, në momentin kur qeveria legjitime Kurti u rrëzua, ne paqësisht dorëzuam detyrën”.
“Nga dhuna në Kapitoll, pesë jetë u humbën, mes tyre edhe një polic, kurse nga aksioni yne me gaz lotsjellës nuk u dëmtua askush”, ka shkruar ai.
“Poqese dëshirojmë një krahasim meritor, atëherë ai duhet bërë me hyrjen e bandave fashiste në parlamentin e Maqedonisë në prill të 2017-tës, të cilët dhunshëm deshën të ndalin bërjen e një shqiptari, kryetar legjitim të këtij parlamenti. Pra, krahasimet në këtë rast tregojnë shumë për këdo që i bën ato”, ka shkruar Sveçla.
Ndërsa, ish ambasadori amerikan në Kosovë, Delawie duke kujtuar fillimet e punës së tij në Kosovë, kur Lëvizja Vetëvendosje hidhte gaz lotsjellës në seancat e Kuvendit, ka thënë se “Ngjarja e sotme në Capitol Hill më kujton muajt e mi të parë në Kosovë, në vitin 2015 kur disa politikanë hodhën gaz lotsjellës në sallën e Kuvendit për t’i bllokuar deputetët. Ashtu si sot, politikanët ishin të gatshëm ta japin demokracinë për ta arritur pushtetin”.
Delawie në një postim në Twitter ka thënë se Kosova ka arritur ra ruajë demokracinë duke e pasur model SHBA-në, megjithatë e ka vënë në pikëpyetje se a do të kenë model tash e tutje shtetet e tjera.
“Demokracia e Kosovës mbijetoi. Kosovarët kanë synuar që shteti i tyre të jetë si SHBA-ja. Me kryengritjen e sotme, të inspiruar nga Trumpi, a do të na kenë model shtetet e tjera? Ndoshta, pasi përpjekja është mposhtur. Megjithatë, unë dyshoj”, ka vazhduar tutje Delawie. /Telegrafi/
Promo
Reklamo këtuLufta Prigozhin - Putin
Më shumëAmbasadorët e QUINT-it i shkojnë në zyre Kurtit – nuk dihet arsyeja
DW: Sinjale alarmi nga Ballkani - po përsëritet historia?
Kërkohet ligj për Gjergj Kastriotin - Skënderbeun, propozohet 28 tetori si festë kombëtare
Kosova ia ndaloi hyrjen, Petkoviq arsyetohet se vizita kishte karakter fetar
“Luani i Gllogjanit, ishte kthyer në luan të UÇK-së” – Kurti dhe liderët politikë kujtojnë Luan Haradinajn në 27 vjetorin e rënies së tij
"Ratko Mlladiq hero i popullit" - grafitet që po provokojnë qytetarët shqiptarë në veri
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'