Policia jep detaje për rastin në Vushtrri, thotë se dy vajzat reaguan dhunshëm

Policia e Kosovës ka dhënë detaje të reja rreth rastit ku shihen dy pjesëtarë të PK-së duke ushtruar dhunë fizike ndaj dy vajzave në Vushtrri.

Policia bën të ditur se derisa zyrtarët policorë ishin duke patrulluar kanë vërejtur një veturë e cila kishte bllokuar rrugën, pas kësaj kishin kërkuar që vetura të largohet kurse dy vajzat kanë reaguar dhunshëm, transmeton Telegrafi.

“Një mashkull kosovar dhe një femër kosovare zyrtar policor deri sa ishin duke patrulluar kishin vërejtur një veturë që ishte ndalur dhe për shkak të bllokadës së rrugës kanë kërkuar që vetura të largohet. Dy femra kosovare dhunshëm kanë reaguar ndaj zyrtarëve policor dhe të njëjtat kanë refuzuar të identifikohen. Lidhur me rastin është marr edhe Inspektorati Policor. Me vendim të prokurorit rasti shkon në procedurë të rregullt”, thuhet në njoftim.

Lexo po ashtu Pamje të reja, ku shihen dy policët e Kosovës duke e goditur me shuplakë vajzën në Vushtrri

Ndryshe, Telegrafi gjatë ditës së martë ka publikuar edhe video ku shihen pjesëtarët duke ushtruar dhunë, pas videos së publikuar ka reaguar edhe Inspektorati Policor i Kosovës, ku ka marrë vendim për suspendimin e dy zyrtarëve policorë./Telegrafi/