Chelsea do të fillojë negociatat në janar për transferimin e Alabas

David Alaba ka vendosur të largohet nga Bayern Munich, pasi nuk është gjetur gjuhë e përbashkët për vazhdimin e kontratës.

Kontrata aktuale e mbrojtësit austriak me kampionin në fuqi të Gjermanisë skadon në verën e vitit të ardhshëm.

Bavarezët tentuan me disa oferta për ta bindur Alaban të vazhdoj kontratën, por ky i fundit ka treguar se dëshiron të ndërrojë mjedis.

Tani e përditshmja gjermane Sport Bild ka raportuar se e ardhmja e mbrojtësit austriak pritet të jetë në Angli.

Chelsea po shihet si skuadra favorite për të nënshkruar me të, me londinezët që zyrtarisht do të hapin negociatat me agjentin e lojtarit Pini Zahavi.

Gjiganti anglez pritet të nënshkruajë një para kontratë me Alaban në mënyrë që austriaku t’iu bashkohet në verë si futbollist i lirë.

Lojtarit i pëlqen transferimi te Chelsea, ku do të bashkohej me lojtarë tjerë që më parë kanë luajtur në Bundesliga si Timo Werner, Kai Havertz apo Antonio Rudiger.

Gjithsesi Chelsea nuk do ta ketë të lehtë të nënshkruajë me të, pasi në garë janë edhe Juventus, Inter, Paris Saint Germain,Real Madrid e Barcelona. /Telegrafi/