“Kjo tavolinë do të jetë gjithmonë e rezervuar për ty”, Nusret veçon tavolinën e preferuar të Maradonës në restorantin e tij

Ikona argjentinase e futbollit, Diego Maradona, është larguar të mërkurën nga kjo jetë.

Ai ndërroi jetë në shtëpinë e tij në Tigre, afër Buenos Airesit, pas një sulmi në zemër në moshën 60 vjeçare.

Duke lënë prapa një karrierë legjendare dhe tejet të suksesshme në futboll, Maradona u shua nga kjo jetë duke u kujtuar nga figura të shumta publike.

Një ndër ta është edhe kuzhinieri turk me famë botërore, Nusret Gokce, i cili ka pasur rastin të gatuajë disa herë për argjentinasin.

Lexo po ashtu Diego Armando Maradona, lamtumira e një legjende të futbollit: Rrëfimi për djaloshin e varfër që bëri botën ta dashurojë falë magjisë së tij

Në nderim të tij, Nusret, ka rezervuar si të veçantë një nga tavolinat e tij në restorantin e tij në Dubai, për të kujtuar përjetësisht futbollistin legjendar.

Ai ka publikuar një video të tavolinës së preferuar të Maradonës, mbi të cilën tashmë ka vendosur portretin e tij përkujtimor dhe një pllakatë ku shkruhet “e rezervuar”.

View this post on Instagram

A post shared by Nusr_et#Saltbae (@nusr_et)

“Kjo ishte tavolina jote e preferuar Maradona. Tavolina është rezervuar gjithmonë për ty. U prehsh në paqe legjendë”, ka shkruar Nusret Gokce në Instagram.

Lexo po ashtu Nusret kujton momentin kur i kishte shërbyer Maradonas

Ndërkohë, postimi është shoqëruar me komente të shumta nga fansat, të cilët e kanë çmuar lartë nderin dhe respektin e kuzahinierit për futbollistin tashmë të ndjerë. /Telegrafi/

View this post on Instagram

A post shared by Nusr_et#Saltbae (@nusr_et)