Prokuroria Speciale në Prishtinë ka ngritur aktakuzën e tretë në rastin e vrasjes së politikanit serb, Oliver Ivanoviq, në të cilën pretendon se i ka gjetur autorët e veprës penale duke e revokuar ndihmën si formë të bashkëpunimit kriminal dhe duke e zëvendësuar atë me bashkëkryesit e mundshëm.
Kështu tha në një prononcim për Telegrafin avokati mbrojtës i sekretares së Partisë Politike SDP, Silvana Arsoviq, Musa Damati.
Damati tha se është e paprecedent që për një rast të rëndë penal të ngritën tri aktakuza nga Prokuroria Speciale, të cilën ai e quan eksperimentale dhe jo profesionale.
“Prokuroria Speciale ka ngritur aktakuzën e tretë në rastin e gjykimit të nivelit më të lartë politik të vrasjes së politikanit Oliver Ivanoviq, dhe Prokuroria Speciale në aktakuzën e saj të re pretendon se i ka gjetur autorët e veprës penale të vrasjes së rëndë, duke e revokuar kështu ndihmën si formë te bashkëpunimit kriminal në këtë rast penal, dhe duke e zëvendësuar ate me bashkëkryesit e mundshëm. Është e paprecedent që për një rast të rëndë penal të ngritën tri aktakuza nga Prokuroria Speciale. Kjo formë eksperimentale e ngritjes së aktakuzave konsideroj se është jo profesionale dhe jashtë kritereve të përcaktuara me legjislacioni penal në fuqi”, ka thënë Damati për Telegrafin.
Damati tregoi se seanca fillestare për këtë rast penal do të mbahet më 04 dhjetor të këtij viti, në departamentin Special të Gjykatës Themelore në Prishtinë.
“Seanca fillestare për këtë rast penal është caktuar që të mbahet me datën 04 Dhjetorë 2020 në Departamentin Special të Gjykatës Themelore në Prishtinë”, ka thënë ndër të tjera avokati Damati.
Ndërkaq, Prokuroria Speciale ngriti aktakuzën e parë më 2 dhjetor 2019 dhe vetëm një seancë përgatitore u mbajt më 11 shkurt të këtij viti.
Seanca ishte caktuar paraprakisht për 30 dhjetor, por u anulua, sepse prokurori i atëhershëm, Sylë Hoxha paraqiti një aktakuzë të re, të ndryshuar.
Në procesin, të cilin e udhëheq Prokuroria Speciale e Kosovës, të akuzuar janë: Marko Roshiq, Nedeljko Spasojeviq, Silvana Arsoviq, Zarko Jovanoviq, Dragisha Markoviq dhe Rade Basara, ndërsa, si udhëheqës të grupit kriminal, akuzohen Milan Radoiçiq dhe Zvonko Veselinoviq.
Ndryshe, politikani serb Oliver Ivanoviq, më 16 janar 2018, është vrarë me gjashtë të shtëna në shpinë, para objektit të partisë së tij “Liria, Demokracia, Drejtësia” në Mitrovicën e Veriut.
Nga përfundimi i luftës në Kosovë, ai ka qenë ndër politikanët më të rëndësishëm, ndërkohë që për disa vite rresht është përballur me një proces gjyqësor nën akuzat për “rolin e tij” në vrasjen e shqiptarëve nga lufta e fundit në Kosovë, e viteve 1998-1999. /Telegrafi/
Promo
Reklamo këtuLufta Prigozhin - Putin
Më shumë“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe