Kryeministri i Maqedonisë së Veriut, Zoran Zaev reagoi pas vetos bullgare që bllokoi hapjen e konferencës së parë ndërqeveritare me BE.
Bullgaria vuri veton në konferencën e parë ndërqeveritare dhe shtyu integrimin evropian të Maqedonisë së Veriut, duke i kërkuar asaj të bëjë lëshime të mëdha në lidhje me identitetin e saj, gjuhën dhe të fshijë një pjesë të historisë së saj. Ministrja e Jashtme e Bullgarisë, Ekaterina Zaharieva theksoi se drafti i propozuar i Komisionit Evropian për kornizën e negociatave për korrikun “nuk pasqyron kërkesat e Bullgarisë”, e argumentoi Zaharieva qëndrimin e Bullgarisë dhe paraqiti tre kushtet kryesore që Sofja t’i japë dritën jeshile negociatave: “E para është respektimi i formulës gjuhësore nga viti 1999, një udhërrëfyes për zbatimin e marrëveshjes së vitit 2017 dhe një tekst shumë i qartë se nuk do të ketë pretendime për pakicën maqedonase në Bullgari. Këto kushte nuk janë përmbushur ende”.
Qeveria vepron në mënyrë racionale, pa konflikte për të arritur deri në një vendim deri në dhjetor. Kjo është mënyra evropiane. Kjo është mënyra maqedonase e veprimit, kështu është shprehur kryeministri i Maqedonisë së Veriut në reagimin pas vetos bullgare. “Mos sjellja e vendimit në mbledhjen në Bruksel është një disfatë për idenë e BE-së, por njëkohësisht është konfirmuar në deklaratën e kryesuesit ministrit gjerman të shtetit për Evropën Michael Roth, se deri në dhjetor ekzistojnë ende mundësi dhe duhet të vazhdojmë në frymën e dialogut dhe jo përmes konflikteve, të arrijmë deri në zgjidhje”, ka deklaruar kryeministri Zaev.
Është detyrim i imi që të mos dorëzohemi dhe të arrijmë deri te zgjidhja sepse populli ynë pret që të gjej zgjidhje, ka thënë Zaev. “Ne alternativë tjetër nuk kemi përveç rrugës sonë evropiane, integrimin e Republikës së Maqedonisë së Veriut në BE dhe do të vazhdojmë në këtë rrugë. Duhet të vazhdojmë të bëjmë përpjekje në frymën e ndërtimit të shoqërisë, dialogut, jo konflikteve. Mua më vjen shumë rëndë, sepse besoj se kjo nuk është dëshira e popullit bullgar, e as e Kryeministrit Borisov. Besoj se këto janë politika në prag të zgjedhjeve, ndoshta të inkurajuara në një dritë të tillë, por të japim mundësi që edhe në ditët e ardhshme që kemi para sepse ekzistojnë ende mundësi”, ka deklaruar kryeministri Zaev.
Ministri i Punëve të Jashtme Bujar Osmani ka thënë se Maqedonia e Veriut këto tre vite ka punuar për ta mbajtur konferencën ndërqeveritare. Jemi të vetëdijshëm dhe ishim dëshmitarë të rëndësisë së procesit, po asnjëherë nuk duhet të heqim dorë, ne s’kemi alternativë tjetër. “Bisedimet vazhdojnë që sot me qëllim që të gjejmë mënyrë për t’i tejkaluar dallimet. Për ne e rëndësishme është që të kemi konferencë ndërqeveritare në dhjetor”, vlerëson Bujar Osmani.
Partia opozitare maqedonase OBRM-PDUKM në reagimin e parë për veton e Bullgarisë për mbajtjen e konferencës së parë ndërqeveritare ka fajësuar qeverinë e Shkupit. “Mashtruesi Zoran Zaev premtoi dhe gënjeu se do të japë dorëheqje nëse nuk ka datë për negociatat. Zoran Zaev është i paaftë për ta përmbushur premtimin se do të largohet, nëse nuk ka sukses në planin e integrimeve evropiane”, vlerëson OBRM-PDUKM. Nga kjo parti thonë, se Zaevi e mori pushtetin me dy premtime të rrejshme: jetë për të gjithë dhe negociata me BE-në. “Shteti është zhytur në krizë të rëndë ekonomike, politike dhe shëndetësore. Nuk ka asnjë arsye që Zoran Zaevi të jetë kryeministër pasi shteti me atë ka vetëm humbje dhe mossukses”, thuhet në reagimin e OBRM-PDUKM-së.
Profesori i marrëdhënieve ndërkombëtare, Lubomir Fërçkovski vlerëson se Maqedonia nuk duhet menjëherë të fillojë të bëj strategji alternative, por duhet të veprojë me një politikë të vendosur për të theksuar absurditetin e kërkesave të vendosura nga Bullgaria. Ne nuk jemi në pozitë të barabartë dhe nuk ka drejtësi në atë situatë. “Është normale që po zhvillohen ndjenja anti-bullgare në Maqedoni, kur sot Bullgaria, me të cilën kemi zhvilluar marrëdhënie të mira dhe kemi qenë miq, tha që Maqedonia nuk mund të fillojë negociatat”, vlerëson Frçkovski./DW/
Promo
Reklamo këtuLufta Prigozhin - Putin
Më shumëNga Rubrika
Tentuan t’ia vënë zjarrin shkollës “Meto Bajraktari” në Prishtinë, reagon Drejtoria e Arsimit: Të zbulohen motivet e sulmit kriminal mbi objektet shkollore
MPB jep detaje për aksidentin në Radovish
Gruaja që vdiq në Spitalin e Prizrenit ishte 24-vjeçare, shtatzënë
Anëtarësimi i Kosovës në KiE, Knaus: Disa shtete, përfshirë Francën e Gjermaninë po përgatiten ta bllokojnë votimin në maj
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Anëtarësimi i Kosovës në KiE dhe çështja e Asociacionit - si e parasheh Tahiri procesin në Komitetin e Ministrave?
Reshjet e shiut vështirësojnë komunikacionin në magjistralen Prishtinë - Ferizaj, Policia apelon për kujdes gjatë vozitjes
“5 euro për një kafe”, arrestohet shtetasi i Maqedonisë pasi tentoi ta korruptonte policin në Vërmicë
Vdes një grua në Repartin e Gjinekologjisë në Prizren
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City