LAJMI I FUNDIT:

As Suedia “nuk përballon valën e dytë të coronavirusit” – ndalohen tubimet publike me më shumë se tetë persona

As Suedia “nuk përballon valën e dytë të coronavirusit” – ndalohen tubimet publike me më shumë se tetë persona

Suedia të hënën njoftoi një ndalim të ngjarjeve publike të më shumë se tetë personave në një konferencë shtypi ku ministrat i kërkuan popullsisë të “bëjë gjënë e duhur”.

Sipas mediave të huaja, përcjell Telegrafi, ky kufizim i ri është pjesë e Ligjit të Rendit Publik dhe për këtë arsye është një ligj, jo një rekomandim si shumë nga masat e coronavirusit të Suedisë.

Njerëzit që shkelin ndalimin duke organizuar ngjarje më të mëdha mund të përballen me gjobë ose madje me burgim deri në gjashtë muaj.


Siç thuhet më tej, ndryshimi i ligjit do të hyjë në fuqi në 24 nëntor dhe fillimisht do të zbatohet për katër javë.

“(Situata) do të përkeqësohet. Bëni detyrën tuaj dhe merrni përgjegjësi për të ndaluar përhapjen e infeksionit. Unë do ta them përsëri. Do të përkeqësohet. Bëni detyrën tuaj dhe merrni përgjegjësinë për të ndaluar përhapjen e infeksionit”, ka thënë kryeministri Stefan Löfven në konferencën për shtyp të hënën.

Masa kufizuese e Suedisë për pjesëmarrësit në ngjarjet publike u ul në 50 në mars dhe u rrit në 300 në fund të tetorit vetëm për lloje të caktuara të ngjarjeve – edhe pse disa rajone zgjodhën të mbanin kufirin e poshtëm të 50.

Ndalimi zbatohet për ngjarje publike të tilla si koncerte, shfaqje dhe ndeshje sportive, por jo për vende si shkolla ose vende pune ose në tubime private.

Kryeministri Stefan Löfven tha “ne nuk mund të rregullojmë çdo tubim shoqëror” por i nxiti njerëzit të ndjekin kufirin e ri në të gjitha llojet e ngjarjeve.

“Nuk duhet të ketë tubime shoqërore me më shumë se tetë persona edhe nëse nuk preken zyrtarisht nga ligji. Kjo është norma e re për të gjithë shoqërinë, për të gjithë Suedinë. Mos shkoni në palestër. Mos shkoni në bibliotekë. Mos dilni në darka. Mos bëni festa. Anulojini”, tha ai. /Telegrafi/

Në trend Botë

Më shumë

"Ose do bëhet multiplanetare, ose do zhduket", paralajmërimi i Musk për të ardhmen e njerëzimit

Botë
Hap historik për ushtrinë amerikane: SHBA fillon prodhimin e eksplozivëve TNT në tokat e saj

Hap historik për ushtrinë amerikane: SHBA fillon prodhimin e eksplozivëve TNT në tokat e saj

Amerika
Shkencëtarët kanë konfirmuar se çfarë ka brenda Hënës

Shkencëtarët kanë konfirmuar se çfarë ka brenda Hënës

Botë
Publikohet një dokument prej 1000 faqesh që detajon planet e Gjermanisë në rast të një lufte në Evropë

Publikohet një dokument prej 1000 faqesh që detajon planet e Gjermanisë në rast të një lufte në Evropë

Evropa
A do të votohen të emëruarit e Trumpit - çka na tregon e kaluara e Senatit?

A do të votohen të emëruarit e Trumpit - çka na tregon e kaluara e Senatit?

Amerika
Turqia po zhvillon një raketë balistike hipersonike me rreze veprimi prej 1000 kilometrave

Turqia po zhvillon një raketë balistike hipersonike me rreze veprimi prej 1000 kilometrave

Turqia
Kalo në kategori