U punësua në polici pa “bekimin” e babait, 33-vjeçarja theret me thikë në sy nga talebanët – sulmin e urdhëroi babai i saj

Hatera 33-vjeçe, e punësuar në polici në Afganistan, është sulmuar derisa po kthehej nga puna.

Sulmuesit kishin shtënë mbi të madje e theren me thikë në sy, kurse konsiderohet se përgjegjës për sulmin janë talebanët që kanë vepruar me urdhër të babait të saj që nuk dëshironte që e bija e tij të punojë jashtë shtëpisë, transmeton Telegrafi.

Sulmi ka ndodhur në provincën Gazni në pjesën qendrore të Afganistanit, ku tre burra kanë shtënë me armë mbi Hateren derisa ajo po kthehej nga puna – duke e therur me thikë në të dy sytë.

Ajo është dërguar me urgjencë në spital, ku gjendja e saj shëndetësore është stabilizuar – por se për fat të keq ka humbur shikimin.

Hatera dhe autoritetet lokale konsiderojnë se për sulmin janë përgjegjës talebanët, të cilët kanë vepruar me urdhër të babait të saj që ishte kundër që bija e tij të punojë jashtë shtëpisë.

Sulmuesit e Hateres nuk i morën vetëm shikimin, por edhe ëndrrën për të cilën prej kohësh kishte luftuar që t’i realizohet – të bëhet e pavarur dhe të punojë.

[🔵]#Taliban, (#Afganistan'ın #Gazne şehrinde) iş bulup babasını çileden çıkaran (33 yaşındaki #Khatera isimli) kadının gözlerini bıçakla oydu. #Fotoğraf: -Daily Mail/İngiltere pic.twitter.com/oQTn7lL7Wt

— Şener Barış (@_senerbaris) November 10, 2020

Ajo disa muaj më parë ishte punësuar si zyrtare policore në stacionin lokal të policisë.

“Do të dëshiroja të punoja në polici të paktën një vit. Po të më ndodhte kjo më herë, sigurisht se do të ishte më pak e dhimbshme. Ndodhi shumë herët… po kthehesha në shtëpi pasi kishte përfunduar puna dhe jetoja ëndrrën time pas vetëm tre muajve që u punësova”, ka deklaruar Hatera.

Raportohet se ajo prej muajsh ishte munduar të marrë miratimin e babait që të realizojë ëndrrën e saj, por pa ndonjë sukses. Përkrahje i kishte ofruar vetëm bashkëshorti, por babai i saj kurrë nuk ishte ndalur duke kundërshtuar këtë ide. /Telegrafi/

Ajo pretendon se babai e kishte përcjell derisa ajo ishte në detyrë dhe se ai i kishte kontaktuar talebanët për ta parandaluar të vazhdojë punën.

Në anën tjetër, në polici thonë se pas sulmit qëndrojnë sipas të gjitha gjasave talebanët që kanë vepruar me kërkesë të babait të Hateres që është dërguar në paraburgim. /Telegrafi/