Paralajmërohet një bashkëpunim mes The Weeknd dhe Malumas

Krijuesi i hitit “Blinding Lights” dhe këngëtari kolumbian, Maluma, të dy kanë ndarë një foto të përbashkët promovuese në Twitter, duke i bërë fansat të spekulojnë se ata po bashkëpunojnë rreth një kënge.

Pastaj ylli kanadez – emri i vërtetë i të cilit është Abel Tesfaye – gjithashtu shkroi ‘The Weeknd’ në gjuhën spanjolle, duke shtuar: “El fin de semana”.

Së fundmi këngëtari i “Can’t Feel My Face” ka realizuar disa bashkëpunime përfshirë këtu me Ariana Grande dhe “Over Now” me Calvin Harris.

Weeknd gjithashtu u bashkua me Doja Cat në një remix të “Blinding Lights”.

Sa i përket Malumas, këngët e tij të fundit përfshijnë “Pa’ Ti” me Jennifer Lopez dhe “Feel the Beat” me Black Eyed Peas.

Ndërkohë, The Weeknd zbuloi së fundmi se ai ka shkruar këngë pas ndarjes së tij nga Selena Gomez.

“Arsyeja pse ishte kaq e shkurtër është si, unë mendoj se thjesht nuk kisha asgjë tjetër për të thënë për këtë … çfarëdo … Ishte tamam si kjo pjesë artistike kathartike. Dhe po, ishte e shkurtër, sepse kjo është gjithçka që unë kam për të thënë në lidhje me këtë situatë”, ka thënë ai rreth kësaj.

Dyshja filluan takimet në vitin 2017, teksa vazhduan lidhjen për një kohë me ngritje dhe ulje të shumta.

Përmes muzikës së tij, The Weeknd nënkuptonte se ai i ofroi ish-të dashurës së tij, Selenas veshkën e tij pasi krijuesja e hitit “Heart Wants What It Wants” iu nënshtrua një operacioni të madh në 2017 dhe shoqja e saj e ngushtë, Francia Raisa i dha asaj njërën nga veshkat.

The Weeknd gjithashtu ka shijuar një lidhje të gjatë edhe me modelen Bella Hadid. /Telegrafi/