“Mund të jetë një skuadër me fanella të kuqe” – Pochettino duket se ka arritur tashmë marrëveshje me Manchester United

Sky Sports kishte një mysafir special për të diskutuar për zhvillimet e fundit në futboll, Mauricio Pochettinon.

Ish-trajneri i Tottenham Hotspurit, ishte i ftuar në mediumin ndërkombëtar, derisa në mes të tjerash ka folur edhe për të ardhmen e tij.

Argjentinasi është i papunë që kur u shkarkuar nga Spurs në fund të vitit të kaluar, duke u zëvendësuar nga Jose Mourinho.

"It might be a team in red…" Poch didn't flinch. 👀
It's happening. Quality investigative journalism from Sky Sports right there #PochIn #OleOut 👏🏽 pic.twitter.com/DS2uv10gl5

— The GIF man (@_TheGIFMan) November 2, 2020

I pyetur se cili është destinacioni i tij i radhës, Pochettino ka thënë se nuk do të refuzojë asnjë ofertë dhe do t’i shqyrtojë ato.

“Nuk e di. Nuk jam duke i mbyllur derën askujt. Kam mësuar që kur isha i ri nga ish-trajneri im Jorge Griffa, se duhet shikuar të gjitha gjërat në detaje”, ka thënë strategu argjentinas.

Më pas pasoi pyetja nga gazetari i Sky Sports se a është një skuadër që ka fanellat e kuqe (Manchester United).

Lexo po ashtu Unitedi e mendon shkarkimin e Solskjaerit – dhjetë emra në listë për të zëvendësuar norvegjezin

“Mund të jetë një skuadër me ngjyra të kuqe”, ka thënë Pochettino duke qeshur.

Kujtojmë se Ole Gunnar Solskjaer mund të shkarkohet nga Unitedi në ditët e ardhshme, pas rezultateve të dobëta që po merr në Ligën Premier, sidomos nga humbja 1-0 në shtëpi përballë Arsenalit. /Telegrafi/