Haxhiu: Jemi në prag të valës së tretë të COVID-19

Foto: Arkiv

Para 4 vitesh

Deputeti i Partisë Demokratike të Kosovës, Bekim Haxhiu, rritjen e numrit të rasteve ditëve të fundit me COVID-19 e sheh si shqetësuese dhe paralajmërim se vendi po hyn në valën e tretë të pandemisë.

Haxhiu, në një postim në Facebook, ka shkruar se rritja progresive në javën e fundit e numrit të rasteve pozitive (+1336) dhe rasteve aktive (+783) është shqetësuese, andaj kërkon një kujdes maksimal të të gjithëve për uljen e këtyre shifrave.

“Respektimi i Ligjit AntiCovid-19, respektimi i rekomandimeve të IKSHPK-së dhe vendimeve të MSH-së, mbajta e maskës, distancës, higjiena, dezinfektimi i duarve, shmangia e tubimeve duhet të jenë prioritet për çdo qytetar të Kosovës me qëllim të parandalimit të përhapjes së koronavirusit”, ka shkruar ai, transmeton Telegrafi.

Postimi i plotë i Haxhiut:

“Ju lutem tregoni kujdes të shtuar!
Jemi në prag të valës së tretë të pandemisë COVID-19.

Rritja e numrit të rasteve ditëve të fundit është shqetësuese dhe paralajmërim se po hyjmë në valën e tretë të pandemisë COVID-19.
Rritja progresive në javën e fundit e numrit të rasteve pozitive (+1336) dhe rasteve aktive (+783) është shqetësuese, andaj duhet angazhim dhe kujdes maksimal i të gjithëve për uljen e këtyre shifrave.

Respektimi i Ligjit Anti-Covid-19, respektimi i rekomandimeve të IKSHPK-së dhe vendimeve të MSH-së, mbajta e maskës, mbajtja e distancës, higjiena, dezinfektimi i duarve, shmangia e tubimeve duhet të jenë prioritet për çdo qytetarë të Kosovës me qëllim të parandalimit të përhapjes së corona virusit.

P.S. Numrin e rastev nê javën e fundit.
Raste aktive COVID-19:
E martë —- 2478,
E hënë —– 2332,
E dielë—— 2192,
E shtunë — 2062,
E premte — 1953,
E enjte —– 1871,
E mërkurë — 1770,
E martë —- 1695,

Raste pozitive COVID-19:
E martë —- 197,
E hënë —– 205,
E dielë —– 186,
E shtunë — 166,
E premte — 169,
E enjte —– 159,
E mërkurë– 124,
E martë —- 130.”, ka shkruar Haxhiu.

Ndërsa, ministri i Shëndetësisë, Armend Zemaj ka mbajtur një takim me përfaqësuesit e Policisë së Kosovës, të Asociacionit të Komunave të Kosovës, inspektoratet qendrore dhe lokale, koordinatoret rajonalë dhe akterë të tjerë të përfshirë në menaxhimin e pandemisë Covid-19.

Pas takimit, Zemaj ka thënë se në këtë takim kanë marrë vendim për rritje të kontrolleve, e fokus do të jetë sektori i gastronomisë dhe institucionet qendrore dhe lokale.

Zemaj ka thënë se janë në pritje të kontingjentit të punësimit për 450 policë, të cilët do të fillojnë ushtrimin e mandatit të tyre dhe do të jenë pjesë ndihmëse në zbatueshmerinë e masave.

Kosovës të martën i janë shtuar 197 raste të reja me koronavirus, pas marrjes së 1,018 mostrave.

Instituti Kombëtar i Shëndetit Publik (IKSHPK) ka njoftuar se brenda 24 orëve janë regjistruar tri viktima.

Sipas të dhënave të këtij Instituti të martën janë regjistruar edhe 48 raste që kanë mposhtur virusin, derisa raste aktive aktualisht janë 2,478

Prej 13 marsit, kur janë regjistruar rastet e para me koronavirus në Kosovë, autoritetet shëndetësore kanë raportuar për 18,345 të prekur nga sëmundja Covid-19, që shkakton koronavirusi.

Prej tyre 669 pacientë kanë vdekur. /Telegrafi/

Promo

Lufta Prigozhin - Putin

Më shumë

Pavarësisht rebelimit të Wagner-it, Rusia ende nderon mercenarët e vrarë në Ukrainë

Copëza të një granate dore janë gjetur në trupat e viktimave, pas rrëzimit të aeroplanit të Yevgeny Prigozhin – thotë Vladimir Putin

Pamje që nxisin spekulime: Gruaja e sozisë së Prigozhinit viziton ‘varrin e shefit të Wagner një ditë pas funeralit’

A e falsifikoi Prigozhin vdekjen e tij? Këto janë disa pretendimet që e mbështesin këtë teori!

Cila ishte marrëdhënia e Putinit me Prigozhinin ndër vite?

Prigozhin i Wagner, do të vritet nga Putin ose do të udhëheqë një grusht shteti brenda gjashtë muajsh, thotë gazetari i Bellingcat

Pse Bjellorusia mund të duhet të financojë grupin Wagner?

Marrëveshja e Putinit me mercenarët e Wagner ka të ngjarë të ‘kolapsojë’ – ata mund të ‘aktivizohen’ në fund të gushtit

Si po e përdor Lukashenko grupin Wagner për të “shtrydhur” Putinin?

Luftëtarët e Wagner në Bjellorusi nuk kanë forcat e nevojshme për të nisur ndonjë ofensivë – imazhet e reja satelitore e dëshmojnë këtë

Nga Rubrika

Mexhiti, Ahmetit: A është e vërtetë se keni bërë thirrje për bojkot të zgjedhjeve presidenciale

Politikë

| 4 min

Dhoma e Tregtisë dhe Industrisë kërkon ndryshime urgjente në kalendarin e festave zyrtare – të mos pushohet në ditët e javës kur festat bien në vikend

Kosovë

| 35 min