Në shenjë respekti për familjen mërgimtare që humbi katër anëtarë, Labi shtynë publikimin e këngës së re

Këngëtari i njohur shqiptar, Labinot Tahiri, kishte planifikuar që të publikonte këngën e tij më të re, në bashkëpunim me motrën e tij, Sarandën.

Mirëpo, për shkak të tragjedisë famëkeqe të së shtunës, ku katër anëtarë të një familje nga Ferizaj, u ndanë nga jeta nga një aksident me fatalitet gjatë kthimit nga Kosova në Zvicër.

Labi u ka shprehur ngushëllime familjarëve, teksa edhe ka njoftuar se kjo do të jetë arsyeja që projekti muzikor i paraparë të publikohej në bashkëpunim me motrën e tij, do të shtyhet.

Në një postim në rrjetin social Facebook, Labi ka sqaruar se kjo ngjarje e ka lënë të mërzitur atë, si shumë bashkëqytetarë të tij të Ferizajt.

Ky është statusi i tij i plotë (pa ndërhyrje):

“Në jetê kemi gëzime dhe mërzia apo hidhërime!
Ne vdesim edhe në vendlindjet tona, por raste si vdekjet kur gurbetqarët kthehen nga vendlindja dhe pësojnë humbje jete nga aksidentet e rrugês vërtet e dhimbshme.
Gjithçka që kishim me projektet tona shtyhen gjithsesi sepse ndajmë dhimbjen edhe me qytetarët e mi Ferizajas dhe me familjën që humbi 4 antarë.
Ngushëllime e nderuar familje!
Zoti ju dhashtë forcë e ti kujtoni pêrherë!
Labi -KOSOVË E SHQIPËRISË”. /Telegrafi/