Jennifer Lopez dhe Maluma pozojnë për “Billboard”, ndërsa zbulojnë më shumë rreth komedisë “Marry Me”

Jennifer Lopez tashmë po flet për projektin e saj të ri për vitin 2021: filmin “Marry Me” me Maluman dhe Owen Wilson, si dhe për një kolonë zanore shoqëruese.

Të enjten këngëtarja dhe aktorja 51-vjeçare bisedoi me Billboard për numrin e tyre të ri të vitit 2020 ‘Latin Power Players’ në lidhje me komedinë romantike për të cilën ajo thotë se është shumë afër zemrës së saj.

“Unë po luaja një personazh duke u përpjekur të gjeja dikë që e kuptonte atë dhe e pranonte për të gjithë atë që ishte jeta e saj, por gjithashtu vetëm e pashë atë si një person”, tha Lopez. “Si një vajzë e vërtetë, e cila është ajo që unë jam. Njerëzit ju shohin si kjo gjë, ky yll. Ata harrojnë që ju jeni thjesht një vajzë dhe dëshironi të jetoni, të qeshni dhe të jeni normal”.

Jennifer dhe Maluma kanë punuar tashmë së bashku në këngën “Pa ‘Ti and Lonely”.

Por në “Marry Me” ata do të bëjnë shumë më tepër: ata luajnë një çift të fejuar që interpretojnë së bashku në skenë.

“Ne kishim skenarin dhe më pas zgjodhëm vendet ku do të donim të vendosnim muzikë. Ju nuk mund të keni një film nga dy yje të muzikës që interpretojnë dhe nuk kanë një kolonë zanore”, tha ylli i “Hustlers”.

“Por albumi ishte vërtet i vështirë sepse nuk po bëja një album të J.Lo. Unë isha duke shkruar këngë për ngjarjen”.

Maluma shtoi: “Gjithçka ishte shumë e shpejtë. Kur e dija që do të isha pjesë e projektit, ne ishim si: ‘Në rregull, duhet të fillojmë të shkruajmë këngën’. Isha në Kolumbi. Unë solla një nga producentët e mi – Edgar Barrera – dhe filluam të shkruajmë këtë këngë, “Segundo”.

Jennifer po ashtu tha për Billboard se është e lumtur për faktin që filmi “Marry Me” ka në krye dy yje latinë.

“Unë kam bërë filma që 25 vite, dhe kam bërë diku rreth 40. Janë vetëm tre deri në katër filma që unë kam qenë pjesë e një kasti me artistë latinë”, tha Lopez.

E njëjta shtoi se kompania e saj dëshironte një yll ndërkombëtar pranë saj në mënyrë që të mund të bënin një album që ishte dygjuhësh.

“Kjo ishte një punë e madhe për ne. Ky ka qenë gjithmonë qëllimi i karrierës sime, të tregoj shumëllojshmëri në personazhe të ndryshme që unë mund të luaj”, vazhdon ajo.

Dhe ajo shpreson që të bëjë më shumë këngë në gjuhën spanjolle duke theksuar, “më pëlqen të këndoj në gjuhën spanjolle”.

“Sinqerisht, unë mendoj se unë këndoj më mirë në spanjisht se në anglisht. Kjo është një pjesë e madhe e asaj që unë jam”.

Dhe Jenny shtoi se është gjithmonë duke punuar në një album spanjoll.

“Unë kurrë nuk e përfundoj atë. Por ju nuk doni të publikoni asgjë derisa të ndjeni se është gjëja e duhur në kohën e duhur. Unë kam qenë duke punuar në disa këngë në album për tre vjet”, vuri në dukje ajo.

Jennifer shtoi se prejardhja e saj e ndihmoi atë tejet shumë në karrierë.

“Të gjithë e dinë që unë jam një vajzë porto rikane nga Bronx. Nuk është diçka që jam përpjekur ta fsheh ndonjëherë – ose kam menduar ndonjëherë se duhet ta fsheh – kështu që të mund të vazhdoj përpara”, tha Jennifer më tej.

Lopez gjithashtu tregoi se muajt e fundit ka qenë e izoluar në shtëpi me partnerin Alex Rodriguez dhe fëmijët e saj, duke e cilësuar si një periudhë shumë të mirë. /Telegrafi/