Fotografitë e shtëpisë së pazakontë në Japoni bëhen virale në internet

Fotografitë e një shtëpie të pazakontë nga Japonia u bënë virale në mediat sociale dhe lanë shumë të habitur.

Sipas mediave të huaja, përcjell Telegrafi, bëhet fjalë për fotografitë virale që u postuan fillimisht nga përdoruesi japonez i Twitter, Yuko Mohri, por që nga ajo kohë janë shpërndarë mbi 20,000 herë vetëm në atë rrjet social.

Ato tregojnë se si duket një shtëpi e vendosur në shkallët prej betoni shumë të ngushta.

Një skenë e tillë do të tërhiqte vëmendjen kudo në botë, por habia e shumë njerëzve është edhe më e madhe duke pasur parasysh që shtëpia është e vendosur në Japoni ku ndodhin shpesh tërmete të forta.

Pasi fotot u bënë virale, shumë pretenduan se ishte e përpunuar me Photoshop.

なんか一本で建ってる pic.twitter.com/eXvkYnzME1

— Yuko Mohri 毛利悠子 (@mo_hrizm) September 1, 2020

Por përdoruesit e Twitter shumë shpejt gjetën foto nga Google Earth ku shtëpia duket edhe më e çuditshme.

Disa pretenduan se modeli i çuditshëm e ndihmoi pronarin të kursente në taksat e pronës, ndërsa të tjerët dyshuan se ishte zgjidhja e vetme për të krijuar dy hapësira parkimi nga parcela e vogël.

Sido që të jetë rasti, shumë janë të mendimit se kjo është një nga shtëpitë me dizajn më të çuditshëm që kanë parë ndonjëherë. /Telegrafi/