Datat kryesore të orarit ku do të dihet më shumë për të ardhmen e Leo Messit gjatë sezonit 2020/21

Pasi pasiguria rreth se ardhmes së argjentinasit nuk është më, Lionel Messi dhe Barcelona mund të përqendrohen në sezonin e ri.

Kapiteni i blaugranave ka njoftuar se do të qëndrojë në “Camp Nou” për të paktën një vit më shumë, derisa kontrata e tij do të skadojë në qershor të vitit 2021.

Sigurisht që ekziston mundësia që argjentinasi të zgjasë marrëveshjen e tij me Barcelonën përtej verës së ardhshme, por kjo do të varet se çfarë do të ndodhë nga tani deri në atë kohë.

Këtu, i gjeni datat kryesore të edicionit 2020/21 ku Messi pritet të jetë kryelajm i mediave të mëdha.

7 shtator

Leo Messi pritet të ribashkohet me skuadrën e Barcelonës për përgatitjet të hënën.

Ai pritet t’i nënshtrohet testimit për coronavirus para kësaj, pasi nuk pranoi të paraqitej në fundjavën e kaluar.

26-27 shtator

Kjo do të jetë fundjava kur do ta shohim Leo Messin të veshur me ngjyrat blaugrana, përsëri në një ndeshje garuese.

Barcelona do të fillojë edicionin në La Liga kundër Villarreal në Camp Nou (Java 3).

4 janar – 1 shkurt

Nëse nuk ndodh diçka katastrofike, Messi nuk do të largohet nga Barcelona gjatë afatit kalimtar të janarit.

Nëse ai përfundon si i larguar, çështja do të vendoset në gjyq, ashtu si do të kishte ndodhur këtë verë.

15 mars – 4 prill

Në një moment në janar, Barcelona duhet të shpallë datën zyrtare kur do të zhvillohen zgjedhjet presidenciale të klubit.

Kjo do të ndodhë pasi Barcelona të luajë ndeshjen e saj të parë në shtëpi të muajit mars, më 15 mars.

Rezultati i këtyre zgjedhjeve do të jetë thelbësor për të vendosur të ardhmen e Messit.

Presidenti i ri do të ulet me sulmuesin për të diskutuar një kontratë të re, duke shpresuar të bindë yllin kryesor të klubit në projektin e tyre të ri.

30 qershor

Ndërsa qëndron, Messi do të largohet nga Barcelona kur kontrata e tij skadojë në fund të qershorit.

Nëse nuk arrihet një marrëveshje për të zgjatur kontratën e tij para 30 qershorit, lojtari argjentinas do të jetë i lirë që të bashkohet me çdo klub që ai pëlqen. /Telegrafi/