Detaje nga dialogu në Shtëpinë e Bardhë

Pas një pauze, në Uashington po vazhdon takimi mes delegacioneve të Kosovës dhe Serbisë

Drejtori i RTV Dukagjinit, Ermal Panduri i cili po i përcjell nga afër bisedimet në Uashington ka thënë se në takim kanë marrë pjesë kryeministri Avdullah Hoti, zëvendëskryeministrja Albulena Balaj-Halimi, ministri Selim Selimi dhe koordinatori Skender Hyseni.

“Pra nga tetë anëtarë sa ka delegacioni i Kosovës vetëm katër prej tyre që përfaqësojnë partitë e koalicionit janë në takim”, tha ai, përcjell Telegrafi.

Lexo po ashtu O’Brien thotë se bisedimet mes Kosovës e Serbisë po shënojnë progres

Panduri thotë se në orën 21:00 (sipas orës lokale në Kosovë) kryeministri Hoti do të flet para gazetarëve.

“Askush tjetër nga delegacioni kosovar nuk do të flasë pasi për një gjë të tillë janë merr vesh me nikoqirët”.

Ai thotë se pala kosovare janë shumë optimiste për rezultatet e takimit dhe se të njëjtit nesër shpresojnë në një vizitë të Presidentit Trump në dhomën ku po mbahet takimi.

“Edhe Shtëpia e Bardhë do të del me një komunikatë ku do të tregoj për ecurinë e takimit”, tha ndër të tjera Ermal Panduri./Telegrafi/