Sahiti thotë se për shkak të pandemisë, Kosova po e ka problem grumbullimin e futbollistëve që luajnë në Evropë

Ndihmës trajneri i Përfaqësueses së Kosovës në futboll, Muharrem Sahiti ka thënë për RTV Dukagjinin se Kosova ndodhet në një pozicion të vështirë për të grumbulluar futbollistët që luajnë jashtë vendit.

Sahiti ka thënë se shumë vende e kanë masën e karantinimit prej dhjetë ditësh dhe sipas tij ende nuk e kanë të çartë sa cilët futbollistë do të mund t’i grumbullojnë për ndeshjet kundër Moldavisë dhe Greqisë.

“Kemi folur edhe me UEFA-n, por ka shtete që kanë rregulla shumë strikte që nuk pyesin as UEFA-n e as FIFA-n. Të sigurt i kemi vetëm futbollistët nga Italia pasi ky vend nuk kërkon karantinim për ata që vijnë në Kosovë”, tha ai, përcjell Telegrafi.

Duke folur për ndeshjet, Sahiti ka thënë se më nuk ka kundërshtarë të lehtë e sipas tij gjërat janë edhe më të vështira kur dihet se Kosova tashmë ka kaluar në një nivel tjetër ku konkurrenca është më e vështirë.

“Në letër jemi favorit në letër ndaj Moldavisë por nuk duhet ta nënçmojmë”.

Sahiti thotë se megjithatë Kosova do të jetë pa lojtarin e 12-të.

“Dardanët na kanë mbështetur shumë, por prapë si vendas ndaj Greqisë do të jemi të motivuar”, tha mes tjerash Muharrem Sahiti./Telegrafi/