Zbulohet arsyeja e përfshirjes së Harry Maguire në rrahjen e tij në Greqi, kishte të bënte me motrën e tij

Kapiteni i Manchester Unitedit, Harry Maguire dyshohet se sulmoi policinë greke pasi motra e tij më e vogël, Daisy, u qëllua me thikë në krah gjatë një zënke me disa persona në një bar.

Reprezentuesi anglez ishte përfshirë në një incident në ishullin Grek të Mykonos, incident që rezultoi në tre arrestime, përfshirë edhe Maguire.

Sipas mediumit grek Mykonos Voice, përleshja filloi kur tifozët rivalë bërtisnin “Q*** Unitedin” në drejtim të mbrojtësit anglez.

Motra e Maguire më pas u qëllua me një ‘objekt të mbrehtë’ që dyshohet se ishte thikë dhe kapiteni i Untedit ndërhyri për ta mbrojtur atë.

Maguire thuhet se ushtroi ‘dhunë verbale ndaj një oficeri dhe më pas e goditi atë’  ndërsa përpiqej të shpjegonte situatën kur arriti policia.

Ai kaloi dy netë në një burg grek, por është shpallur i lirë ‘për momentin’ dhe lejohet të kthehet në Angli, sipas avokatit të tij.

Harry Maguire's 'sister was stabbed' in brawl: Man United captain is freed amid claims he 'fought with rival fans after they attacked his sibling' https://t.co/AuPNR3m8Xd pic.twitter.com/BYU4tX0tUG

— Daily Mail U.K. (@DailyMailUK) August 22, 2020

“Kishte një grup djemsh që ishin duke brohoritur kundër Harry të mërkurën në mbrëmje dhe ai ishte pak i çoroditur. Të enjten ata ishin më agresivë, duke thënë, ‘Q*** Unitedin’”, zbulon fillimisht një raport i The Sun.

“Ata po përpiqeshin ta irritonin atë. Ata gjithashtu po përpiqeshin të ngacmonin një grup vajzash atje”.

“Harry u mërzit. Ata i thanë Harry, “Q*** Unitedin” përsëri dhe një zënkë filloi me shokët e Harryt”.

“Dy ose tre policë të tjerë erdhën, por Harry ishte aq i fortë dhe i mërzitur, sa nuk mund ta ndalnin. Ai u bërtiste atyre, ata kishin një kohë të vështirë – të paktën një oficer policie u lëndua”.

“U deshën më shumë se pesë oficerë për ta ndalur”,  mbyll njoftimin mediumi anglez. /Telegrafi/