KS i OKB-së kundër rezolutës së SHBA-ve, Irani i lejohet të bëjë tregti me armët pas 13 vjet embargo

Këshilli i Sigurimit i Organizatës së Kombeve të Bashkuara (OKB) ka hedhur poshtë një rezolutë të SHBA-së, e cila zgjat embargon e armëve ndaj Iranit, e cila mbaron në tetor.

“Shtetet e Bashkuara kurrë nuk do t’i lënë miqtë e saj në rajon që presin më shumë nga Këshilli i Sigurimit i OKB-së. Ne do të vazhdojmë të veprojmë në mënyrë që regjimi terrorist teokratik (Irani) të mos jetë në gjendje të blejë dhe të shesë armë që përbëjnë një kërcënim për Evropën, Lindjen e Mesme dhe më gjerë”, tha Mike Pompeo, transmeton Telegrafi.

Sipas tij, Këshilli i Sigurimit i OKB-së, i cili përfshin fuqitë e mëdha botërore (SHBA, Kina, Rusia, Britania e Madhe dhe Franca), “nuk kanë arritur të përmbushin misionin e tij thelbësor, i cili është të ruajë
paqen dhe sigurinë ndërkombëtare “.

Pompeo tha se institucioni botëror kundërshtoi “një rezolutë të arsyeshme për zgjatjen e embargos mbi Iranin, e cila është e vlefshme për 13 vjet”, dhe kështu hapi rrugën për atë vend “i cili mbështet terrorizmin” që të blejë dhe shes armë pa kufizime.

Ndryshe, theksojmë se embargoja ndërkombëtare kundër Iranit, zyrtarisht mbaron më 18 tetor të këtij viti. /Telegrafi/