Lakers pësojnë humbjen e tretë radhazi, Portland bënë një hap mbrapa ‘Play-Off’-it

Los Angeles Lakers kanë pësuar humbjen e tretë radhazi në NBA, ku kësaj radhe pësuan nga Indiana Pacers.

Ka qenë një ndeshje jashtëzakonisht interesante ku në fund Pacers kanë triumfuar me rezultat të ngushtë 116:111.

TJ Warren ka qenë më efikasi për vendasit me 39 pikë, pesë kërcime e një asistim, i ndihmuar edhe nga Malcom Brogdon që shtoi 24 pikë dhe Victor Oladipo që e përfundoi takimin me 22 të tjera.

LeBron James ishte më efikasi tek Lakers me 31 pikë, tetë kërcime e shtatë asistime, por që nuk mjaftuan për ta shmangur humbjen e tretë radhazi dhe të 18-tën në përgjithësi këtë edicion.

Përkundër humbjes, Lakers mbesin në vendin e parë në Konferencën e Perëndimit, ndërsa Indiana është në vendin e pestë në Lindje.

Ndeshje jashtëzakonisht interesante është zhvilluar edhe mes Portland Trail Blazers dhe LA Clippers, ku fitore shënoi skuadra kaliforniane me pesë pikë epërsi 117:122.

Për Portland kjo humbje është shumë e rëndë pasi tani kanë bërë një hap mbrapa për tu futur në Play Off.

Paul George ishte më efikasi në fitoren e Clippers me 21 pikë, gjashtë kërcime e katër asistime.

Tek Portland CJ Mc Collum shënoi 29 pikë e Damien Lillard 22 të tjera, por që nuk mjaftuan për fitore. /Telegrafi/

Rezultatet:

Portland Trail Blazers – LA Clippers 117:122

https://www.youtube.com/watch?v=1sl1udbLnIc

Denver Nuggets – Utah Jazz 134:132

https://www.youtube.com/watch?v=n7iCpagepLM

Indiana Pacers – LA Lakers 116:111

https://www.youtube.com/watch?v=1-mYM4UrBps

Miami Heat – Phoenix Suns 112:119

https://www.youtube.com/watch?v=x0GSM5y-SSg

Dallas Mavericks – Milwaukee Bucks 136:132

https://www.youtube.com/watch?v=NnhYDe0rK8s