LAJMI I FUNDIT:

Greqia rikthen karantinën për shqiptarët, 7 ditë izolim kush kalon nga Kakavija, mbyllet gjatë natës pika kufitare

Greqia rikthen karantinën për shqiptarët, 7 ditë izolim kush kalon nga Kakavija, mbyllet gjatë natës pika kufitare

Greqia ka marrë masa të reja sa i përket parandalimit të përhapjes së COVID-19, masa të cilat i prekin në mënyrë të drejtpërdrejtë edhe shqiptarët.

Kjo vjen një ditë pasi një qytetar shqiptar me shtetësi greke ka hyrë përmes vijës kufitare të Kakavijës në gjendje të rëndë shëndetësore i prekur me COVID, ku dhe u shtrua në spitalin e Janinës.


Për këtë nga data 16 gusht, Greqia do të rikthejë karantinën 7 ditorë për të gjithë shqiptarët që do të kalojnë përmes pikës kufitare të Kakavijës.

Gjithashtu, theksohet se nga dita e mërkurë, kjo pikë kufitare nga pala greke do të qëndrojë e mbyllur gjatë natës, nga ora 22:00–06:00.

Që do të thotë përgjatë kësaj fashe orare nuk do mund të kalohet për në Greqi dhe e gjitha kjo bëhet me qëllim që të gjithë shqiptarët t’u nënshtrohen kontrolleve shëndetësore, përfshirë edhe testin e COVID-19 raporton Euronews Albania. /Telegrafi/.