Mikrobiologu kinez: Zyrtarët hoqën provat thelbësore mbi shpërthimin e coronavirusit, ata dezinfektuan zonën para se ajo të inspektohej

Zyrtarët në Wuhan hoqën provat thelbësore nga tregu i ushqimeve të detit që mendohet të jetë “djepi” i pandemisë së COVID-19, ka pohuar mikrobiologu kryesor në Kinë.

Sipas mediave të huaja, përcjell Telegrafi, profesori Kwok-Yung Yuen, ekipi i të cilit e identifikoi virusin SARS në vitin 2003, tha se dyshon që autoritetet u përpoqën me qëllim të “mbulojnë” burimin e këtij shpërthimi që tani ka infektuar më shumë se 16 milionë njerëz në mbarë botën.

Në një intervistë për BBC, e cila pritet të transmetohet në mbrëmje, Yuen nga Universiteti i Hong Kong-ut tha se Tregu i Ushqimit të Detit Huanan, ishte dezinfektuar përpara se një ekip shkencëtarësh të hetojnë rastin.

“Unë dyshoj se ata janë munduar të fshehin problemin e Wuhanit”, tha Yuen.

“Zyrtarët lokalë nuk e kanë plasuar menjëherë informacionin mbi këtë shpërthim”, u shpreh mikrobiologu.

Eksperti potencoi se ai dëshironte që vetvetiu të vizitonte zonën e cila dyshohet që e filloi shpërthimin e coronavirusit.

Në qoftë se ka pasur prova që virusi kërceu nga kafshët tek njerëzit, tani nuk do të mund të evidentohen, pasi ato nuk ekzistojnë më, rrëfeu Yuen.

“Kur shkuam për inspektim në Tregun Ushqimor Huanan, nuk kishte asgjë për të parë, pasi zona ishte e pastruar”, tha ndër tjerash mikrobiologu kinez. /Telegrafi/

https://www.youtube.com/watch?v=6GAQCB3uVng