Kanye nuk e ka problem nëse Kim Kardashian kërkon divorc, pasi tregoi se dëshironin ta abortonin vajzën e tyre në vitin 2013

Rep-artisti Kanye West, thotë se nuk e ka problem nëse Kim Kardashian divorcohet prej tij, pas disa të pathënave që i deklaroi në tubimin e parë presidencial në South Carolina.

Gjatë fjalimit së tij, 43-vjeçari kishte treguar se ai dhe Kim kishin menduar ta abortonin vajzën e tyre, North, që tashmë është 7 vjeçare, shkruan Daily Mail.

Një gjë e tillë vjen dy javë pasi ai kandidoi për President të Shteteve të Bashkuara të Amerikës.

Ndërkaq, ai thotë se në vitin 2013, çifti kishte qenë në mëdyshje për fëmijën e tyre, ndërsa shton se ishte në gjendje ta vriste vajzën e tij.

“E dashura ime më kontaktoi duke bërtitur, ajo tha se është shtatzënë”, kishte thënë ai.

Ndërsa kishin shqyrtuar mundësitë, West tregoi se ata kishin vendosur të mbanin North, pasi sipas tij Zoti i kishte dërguar një mesazh derisa ishte duke punuar laptop në Paris.

“Kim kishte pilulat në duar. Ekrani i laptopit u bë bardh e zi dhe Zoti më tha, nëse përzihesh në visionin tim, atëherë edhe un do përzihem në tëndin. E kontaktova të dashurën dhe i thash se do ta mbajmë fëmijën”, shtoi ai.

Në fund të deklaratës, Kanye u shpreh se nuk e ka problem nëse bashkëshortja e tij, Kim do të divorcohet pas këtyre fjalëve, pasi North tashmë është në jetë. /Telegrafi/