Në spitalin e përgjithshëm në Vushtrri janë duke u trajtuar 7 pacientë me COVID-19, e që janë duke u trajtuar me oksigjenoterapi.
Që nga dje ky spital ka filluar përgatitjet për të pritur edhe pacientët e tjerë që janë me coronavirus, pasi që me vendim të Ministrisë së Shëndetësisë është shndërruar në spital për trajtimin e rasteve me COVID-19.
Spitali i Vushtrrisë ka 64 shtretër, ndërkohë që nuk ka infektolog dhe ka vetëm një pulmolog, e që përballet edhe me mungesë të stafit.
Ushtruesi i detyrës së drejtorit të përgjithshëm të këtij spitali, Mursel Pllana, tha se me të marrë vendimin nga Ministria e Shëndetësisë kanë filluar me përgatitjet e nevojshme.
“Spitali i Vushtrrisë i ka 64 shtretër, shumica e dhomave janë të pajisura me oksigjen qendror. Kështu që, momentalisht në spital i kemi 7 pacientë të shtrirë, të gjithë janë me oksigjenoterapi. Jemi duke u përgatitur edhe për masat e tjera, duke i ndërmarrë masat të cilat shpenzohen, fjala është për maskat mbrojtëse, për material shpenzues, oksigjen të gjitha këto që janë të nevojshme. Jemi duke i bërë kërkesat me kohë që mos të kemi probleme në mbarëvajtje të punës”, tha ai.
Ai ka treguar se gjendja e pacientëve me COVID-19 që janë duke u trajtuar në këtë spital është stabile.
“Janë 7 pacientë, të gjithë janë me oksigjenoterapi dhe gjendja e tyre është e kënaqshme deri diku. Presim që këta pacientë shumë shpejt t’i lirojmë… Kryesisht janë mosha të shtyra dhe kanë sëmundje të tjera shoqëruese. Mosha mesatare janë mbi 65 vjet”, tha ai.
Në spitalin e Vushtrrisë tashmë nuk do të ofrohen shërbimet e zakonshme mjekësorë, e për të njëjtat vushtrriasit do të duhet të shkojnë në Spitalin e Mitrovicës.
Pllana ka treguar se mungesë të stafit kanë pasur edhe para pandemisë, por që thotë se presin staf mbështetës nga Ministria e Shëndetësisë.
“Mungesë të stafit kemi pasur edhe para pandemisë edhe jemi gjetur në atë formë si kemi mundur. Kryesisht i kemi shfrytëzuar praktikantët në menaxhim të teknikave në ato vende ku kemi pasur mungesa i kemi angazhuar dhe e kanë kryer punën. Mungesat më të mëdha i kemi pasur në diagnostikë, në radiologji dhe në laborator. Kështu që, tash pas riorganizimit të stafit unë besoj që shumë shpejt besoj nesër ose pasnesër do të vijnë prej Mitrovicës stafi teknik i radiologjisë dhe të laboratorit dhe do të kompletohet stafi i diagnostikës… këtu tek ne nuk kemi repart të Infektives, në Mitrovicë ka pasur repart të Infektives. Tek ne këtu e kemi vetëm shërbimin internistik, do të thotë në kuadër të atij shërbimi e kemi një pulmulog”, tha ai.
Ushtruesi i detyrës së drejtorit të përgjithshëm të spitalit “Sheikh Zayed”, Mursel Pllana, tha se janë duke u përgatitur me të gjitha kapacitetet që i kanë edhe nëse do të ketë fluks të pacientëve.
“Vushtrria, aq sa jemi duke i përcjell testimet, do të thotë qysh ka qenë në fillim me 20 deri në 25 , tash ka ra në 4 ose 5 të rasteve që po infektohen. Mitrovica, ashtu si i kam përcjellë, është një trend të rritjes. Unë besoj që këtu nuk është vetëm Mitrovica, është edhe Skenderaj. Unë besoj që mundet me pas rritje, po ne do të përgatitemi me këto kapacitete që i kemi”, tha ai.
Për shkak të rritjes së rasteve me Covid-19 në Kosovë, Ministria e Shëndetësisë ka marrë vendim gjatë ditës së djeshme që spitali i Vushtrrisë të shndërrohet në spital për rastet COVID-19.
Promo
Reklamo këtuLufta Prigozhin - Putin
Më shumëPamje nga vizita e Jakup Krasniqit te varri i vëllait, më pas i takon familjarët në fshatin e tij
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Imam Maliqi viziton Manastirin e Deçanit, Ambasada gjermane: Është shembull frymëzues i dialogut ndërfetar
Naser Hafizi arrestohet në Aeroportin e Prishtinës
Kujtim Shala: Albin Kurti ka bërë tradhti kushtetuese me marrëveshjen e Brukselit dhe Ohrit
KFOR-i mban ceremoninë e inaugurimit të "Mburojës së Re"
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Arda Guler nga Turqia i dërgon mesazh Carlo Ancelottit për minutazhën te Real Madridi
Çfarë janë uraganet, sa të rrezikshëm janë dhe çfarë mund të ndihmojë në zbutjen e dëmeve?
Mbi 160 mijë euro, 696 kilogramë mjaltë e 250 kilogramë fasule ia gjejnë në shtëpi – Policia arreston të dyshuarin në Ferizaj për kontrabandë e tregti të ndaluar
Pamje nga vizita e Jakup Krasniqit te varri i vëllait, më pas i takon familjarët në fshatin e tij
Kaloi 50 mijë konkurrentë në audicion - kush është Nora Tushi, shqiptarja që po mahnit jurinë gjermane
Berisha: Do të dalin audio-incizime të tjera, do të na vijë turp