Trajneri i Trepçës ’89 i revoltuar në humbjen ndaj Dukagjinit

Trepça ’89 ka pësuar humbje 3-2 ndaj Dukagjinit në kuadër të javës së 30-të në Superligën e Kosovës.

Skuadra mitrovicase me këtë disfatë e ka rrezikuar qëndrimin në Superligë, ndërsa trajneri Shpëtim Idrizi është shprehur i revoltuar me dukagjinasit.

“Është e vërtetë pas kësaj disfate na vështirëson gjasat 90%, normal kur nuk i konkretizon raste sidomos në pjesën e parë 12-13 gjuajtje afër portës normal që pëson dënim”, ka thënë ai për Super Sport Kosova.

Lexo po ashtu Mbyllet dueli i zjarrtë i pesë golave: Dukagjini i shkakton shumë probleme Trepçës '89

“Nëse Dukagjini do të kishte luajt sikur ndaj Trepçës ’89 me këso angazhimi patjetër do të ishte në Superligë por po shihet qartë tentativat e klubeve tjera që ndikojnë në futbollin ton, por prapëseprapë mbesin edhe tre xhiro për vazhdimin e kampionatit, ne nuk dorëzohemi edhe pse gjasat janë minimale”.

“Përderisa 6-7 lojtarë që nuk i kanë luajt Dukagjinit në disa ndeshje, ndërsa luajnë sot ndaj T’89 po shihet qartë që dikush po ndërhyn që të na largojë prej garës” përfundoi Idrizi.

Trepça ’89 është në vendin e nëntë me 35 pikë, pozitë kjo që dërgon nga rënia prej ligës. /Telegrafi/