Rama pyetet nëse kërkoi që PDK-ja të përfshihet në Qeveri: Nuk jam aq i zgjuar që nga Tirana të jap mend si të qeveriset Kosova

Kryeministri Edi Rama në konferencën e përbashkët me kryeministrin Avdullah Hoti, është pyetur nga gazetarët se gjatë vizitës së tij në Prishtinë a ka kërkuar që PDK-ja të përfshihet në Qeveri.

Lidhur me këtë Rama ka thënë se ai nuk ka asnjë të drejtë që t’ju tregojë miqve të tij në Kosovë se çfarë duhet të bëjnë.

“E di që ka politikanë që duan ta drejtojnë krejt Ballkanin ndërkohë që kanë përgjegjësi të drejtojnë vetëm partinë e tyre në funksion të marrjes së qeverisë dhe drejtimit të vendit të tyre, unë nuk jam ndër ata. Unë nuk kamë asnjë të drejtë dhe natyrisht nuk marrë përsipër në asnjë mënyrë që t’ju tregojë miqve, vëllezërve në Kosovë se çfarë duhet të bëjnë Nuk mendoj që jam aq i zgjuar sa nga Tirana të jap mend se si të qeveriset Kosova”, ka thënë Rama.

Ai shtoi se është absolutisht e drejta dhe detyra e tyre se a e zgjerojnë qeverinë apo e ngushtojnë atë.

“Nuk është as detyra as e drejta ime të jap mend për këtë punë e as të komentojë për këtë gjë”, tha Rama. /Telegrafi/