Avdullah Hoti zgjidhet nënkryetar i LDK-së, pas shkarkimit të Osmanit

Pas vendimit të sotëm, Vjosa Osmani është liruar nga pozita e nënkryetares së LDK-së dhe anëtares së Kryesisë.

Në vend të Osmanit, është zgjedhur Avdullah Hoti.

Këtë e bëri të ditur me anë të një Isa Mustafa, kryetar i LDK-së me anë të një njoftimi të lëshuar për media.

“Kam nderin tu njoftoj se deri në përfundim të afatit të shprehjes së qëndrimit tuaj, më 20 qershor 2020 në ora 19:00, pyetjeve: A e përkrahni propozimin që z. Avdullah Hoti të jetë nënkryetar i LDK-së, nga 123 anëtarë aktual të Këshillit të Përgjithshëm të LDK-së janë përgjigjur 99 anëtarë, prej tyre 92 janë shprehur për (Po); 3 janë shprehur kundër (Jo), 4 kanë abstenuar dhe 24 nuk janë përgjigjur, s’kanë marrë pjesë në votim”.

Lexo po ashtu Pas shkarkimit nga pozita e nënkryetares dhe anëtares së Kryesisë në LDK, reagon Vjosa Osmani: Shihemi së shpejti në garën zgjedhore

“Ndërsa për sa i përket propozimit për lirimin e znj. Vjosa Osmani nga pozita e nënkryetares dhe nga Kryesia e LDK-së, nga 123 anëtarë aktual të Këshillit të Përgjithshëm të LDK-së janë përgjigjur 95 anëtarë, prej tyre 70 janë shprehur për (Po); 16 janë shprehur kundër (Jo), 9 kanë abstenuar dhe 28 nuk janë përgjigjur, s’kanë marrë pjesë në votim”, ka shkruar Mustafa.