Çiljeta demanton me sarkazëm lajmin rreth shtatzënisë: Jemi në penallti, s’kemi mbërritur te goli

Është raportuar së fundmi në disa mediume të Shqipërisë se këngëtarja e njohur shqiptare, Çiljeta Xhilaga, është në pritje të fëmijës së saj të dytë.

Por një lajm të tillë e ka demantuar vet këngëtarja, përmes një njoftimi të publikuar të premten në rrjetin social Instagram.

Çiljeta e cila prej vitesh është në lidhje me portierin e Partizanit, Alban Hoxhën, ka theksuar se bashkë me partnerin e saj të ri kanë dëshirë të kenë fëmijë, por që ende s’e kanë marrë atë vendim.

https://www.instagram.com/p/CBnKyq9Ath6/

“Faleminderit që na zgjuat me këtë lajm kaq të bukur, por jemi ende tek pika e bardhë e penalltisë, s’kemi mbërritur tek goli. Kur të shënojmë do e ndajmë me ju panenkën më të bukur të jetës, siç kemi bërë gjithmonë! Ju uroj fundjavë të bukur”, ka shkruar Xhilaga në llogarinë e saj zyrtare në Instagram.

Çiljeta përndryshe është nënë e një djali, të cilin e ka pagëzuar me emrin Fernando.

Ndërkohë edhe futbollisti Alban Hoxha ka gjithashtu një djalë nga martesa e mëparshme, të cilin e quan Beko. /Telegrafi/