Gattuso pasi mposhti Juventusin në finalen e Kupës së Italisë: Unë besoj në Zotin e Futbollit

Gennaro Gattuso vlerësoi lojtarët e tij të Napolit për fitoren e trofeut të Coppa Italia pas penalltive kundër Juventusit .

Kjo është hera e parë që Gattuso fiton ndonjë trofe si trajner, veçanërisht pasi ai mori detyrën nga Carlo Ancelotti vetëm në muajin dhjetor.

Ka qenë një muaj me të vërtetë traumatik për Rinon, motra e të cilit vdiq pas një sëmundjeje të gjatë, por ai ndihet i lumtur që tashmë fitoi një trofe.

“Jeta dhe veçanërisht futbolli më kanë dhënë shumë më tepër sesa iu dhashë. Më bëri burrë. Në jetë, ju gjithmonë mendoni së pari për prindërit dhe familjen tuaj, kështu që natyrshëm ajo që ndodhi është e vështirë të pranohet”, ka thënë fillimisht Gattuso pas ndeshjes.

🏆 The 2020 #CoppaItaliaCocaCola is ours! 😍

GRAZIE RAGAZZI!

💙 #ForzaNapoliSempre pic.twitter.com/k556OzSAuu

— Official SSC Napoli (@en_sscnapoli) June 17, 2020

“Unë kam një pasion të tillë për futbollin, e di se nuk mund të lë të shkoj as për një sekondë”.

“Kushdo që bën këtë punë duhet ta respektojë atë, sepse ne kemi fat. Kjo është arsyeja pse unë zemërohem kur nuk shoh pasion, pasi nuk kam pendim për karrierën time dhe kjo është ajo që dua të them edhe te këta lojtarë”.

🥇 WINNERS!
🏆 #CoppaItaliaCocaCola

💙 #ForzaNapoliSempre pic.twitter.com/jXpPMul0nl

— Official SSC Napoli (@en_sscnapoli) June 17, 2020

“Unë besoj në Zotin e Futbollit, kur ju e bëni atë të drejtë, ju korrni atë që mbillni dhe ajo kthehet te ju”.

“Tani është detyra jonë t’i luajmë me respekt këto 12 ndeshjet e fundit të Serie A. Është detyra jonë të përpiqemi, ne thjesht nuk mund të mendojmë se kemi arritur objektivin tonë dhe të heqim dorë”.

“Është e vështirë, ka një hendek të madh, por ne duhet të përpiqemi më të mirën për të marr një vend në Ligën e Kampionëve”, përfundoi italiani. /Telegrafi/