Gastronomia, taksitë dhe transporti urban dhe ndërurban, janë disa nga llojet e bizneseve që do t’ju lejohet ushtrimi i aktiviteteve në fazën e tretë nga vendosja e masave të reja që nga përhapja e pandemisë së COVID-19 në Kosovë.
Lidhur me këtë, përfaqësues të bizneseve thonë se ndërmarrjet do ta kenë të vështirë ta rimarrin vetën edhe pas kësaj hapje.
Kryetari i Odës së Afarizmit të Kosovës, Skënder Krasniqi, për Telegrafin tha se bizneset nuk do janë në gjendje të veprojnë siç kanë qenë më herët.
Sipas tij, kjo do të ndodh për arsye se gjatë kësaj kohe të izolimit, bizneset kanë pësuar shumë humbje.
“Bizneset do të mundohen t’i mbijetojnë kësaj gjendje të rëndë, kur dihet se situata kur do të bëhet hapja, të hyrat do të janë shumë më të vogla për një kohë mjaftë të mirë. Hapja do të ndodhë, por bizneset nuk do janë në gjendje të veprojnë siç kanë qenë më herët, për arsye se biznesi gjatë kësaj kohe ka pasur shumë humbje dhe shteti shumë pak i ka dal në ndihmë biznesit. Humbjet më të mëdha do të janë për shkak të mungesës së mjeteve gjatë kësaj kohe dhe do të jetë e vështirë ta rimerr vetën”, tha Krasniqi.
Ai shtoi se ndihma e shtetit karshi biznesit ka qenë e vogël.
“Në bazë të analizave të gjitha vendet tashmë kanë bërë hapjen e bizneseve edhe pak më herët se Kosova. Përkrahja e institucioneve deri më tani ka qenë mjaftë e vogël krahasuar me nevojat që kanë pasur bizneset dhe ka qenë shumë më pak se çdo vend i rajonit”, shtoi ai.
Ministri në detyrë i Shëndetësisë, Arben Vitia, në një konferencë për medie kishte prezantuar fazat lehtësuese dhe hapjen graduale të ekonomisë.
Ai kishte thënë se lehtësimi i masave është paraparë të bëhet në tri faza. E para do të nisë nga data 4 maj deri më 18 maj, faza e dytë do të jetë nga 18 maji, ndërsa faza e tretë nis nga 1 qershori deri në vendimin tjetër.
“Katër maji është dita kur do të fillojmë heqjen graduale drejt një realiteti të ri. Masat e reja do jenë në përputhje me normalitetin e ri”, kishte njoftuar Vitia, përcjell Telegrafi.
Edhe ministrja në detyrë të Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike (MEPTINIS), Rozeta Hajdari, kishte thënë se ekonomia do të hapet gradualisht.
“Synimi është që ta hapim ekonominë gradualisht, për shkak se jemi të vetëdijshëm se kemi humbje të mëdha ekonomike, duke filluar nga likuiditeti dhe humbja e kontratave të punëtorëve. Jam e vetëdijshme që shumë punëtorë kanë humbur vendet e punës në sektorin e gastronomisë, ndërtimtarisë, atë të tregtisë me pakicë që janë mbyllur. Tani jemi duke punuar edhe për pakon e dytë e fiskale. Jam shumë pozitive që për shumë humbje që kemi, kemi edhe shumë shpresë. Falënderojmë bizneset që kanë respektuar masat”, kishte thënë Hajdari, përcjell Telegrafi.
MEPTINIS kishte nxjerr urdhëresën për mbarëvajtjen e bizneseve gjatë periudhës së pandemisë, ku për ato biznese që kanë punuar ishte urdhëruar që të merren masat higjienike.
Po ashtu, me propozimin e Ministrisë së Financave dhe Transferëve, është miratuar Pakoja Emergjente Fiskale në vlerë prej 179.65 milionë euro për t’i ndihmuar bizneset dhe individët që ta tejkalojnë këtë kohë të pandemisë.
Autoritetet në Kosovë kanë shpallur gjendje emergjente për shëndetin publik, me qëllim të parandalimit të përhapjes së kësaj sëmundjeje.
Aktualisht janë gjithsej 1,038 raste me COVID-19, me 792 të shëruar dhe 30 të vdekur.
Kjo është lista e plotë e aktiviteteve të bizneseve që do të hapen në fazën e tretë:
– Transporti urban dhe ndërurban
– Taksitë,
– Gastronomia në përgjithësi
– Qarkullimi i qytetarëve në bazë të situatës epidemiologjike,
– Provimet në arsimin e lartë
– Testi i maturës dhe arritshmërisë
– Hapja e kinemave dhe teatrove
– Hapja selektive e aktiviteteve sportive /Telegrafi/
Lufta Prigozhin - Putin
Më shumëFlorin Krasniqi kërkon mbi 28 milionë euro dëmshpërblim nga Mali i Zi
Eksploro natyrën me veshjet e stilit taktik të Melodia Px
"Më mirë se vendi ynë nuk ka", rrëfimi i Fitim Maliqit që posedon mbi 10 mijë zogj të pulave
Trajtimi i punëtorëve teknikë vazhdon të jetë shqetësues
Telegrafi Jobs, busulla jote për karrierë
Pasuria e guvernatorit të BQK-së, drejtorit ATK-së dhe drejtorit të Doganës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur