Brenda dy javësh u arrestuan dy terrorist në Spanjë, rrezik nga sulme të reja të ISIS-t në Evropë

Policia kundër terrorizmit po heton nëse anëtarët e Shteti Islamik, janë riaktivizuar për të kryer sulme të reja në Evropë, për ta destabilizuar sërish situatën.

Rreziku për këto sulme, vjen pasi brenda dy javësh, në Spanjë janë dy terroristë, i pari prej të cilëve është i ikuri dhe i shumëkërkuari nga Britania e Madhe, Abdel-Majed Abdel Bary, transmeton Telegrafi.

Këtë javë policia në Barcelonë e arrestoi një maroken, i cili sipas The Mirror, dyshohej se planifikonte të kryente këtë fundjavë një sulm në stilin e ‘ujkut të vetmuar’.

Sipas rojave civile të Spanjës, i dyshuari ishte parë duke lëvizur rreth Barcelonës dhe ‘dukej sikur kërkonte objektiva të mundshëm’.

Bary, i cili ka qenë i lidhur me ekzekutorin britanik të ISIS, Jihadi John, mendohet se ka arritur në Spanjë me barkë nga Algjeria dhe arriti pa u vënë re, vetëm pesë ditë para arrestimit të tij.

“I arrestuari është radikalizuar dhe e ka mbështetur ISIS-in për së paku katër vjet. Gjatë gjendjes aktuale të jashtëzakonshme, që procesi i radikalizmit arriti kulmin, u bë shumë i dukshëm dhe shqetësues”, thuhet në raportin e gardës civile. /Telegrafi/