Kanë kaluar dy muaj kur janë zhvilluar ndeshjet e fundit të Superligës në futboll.
Edhe pse çiftet për fazën e tretë dihen, pandemia e coronavirusit ka bërë që asnjë ndeshje të mos luhet.
Por, nga 1 qershori gjendja mund të kthehet në normalitet sipas IKSHPK-së.
Kurse, klubi kryeqytetas, FC Prishtina, ka reaguar përmes faqes zyrtare duke qenë unik në qëndrimet e tyre për rinisjen e kampionatit.
Sipas skuadrës më të trofeshme në vend, organet kompetente duhet ta japin maksimumin që sa me shpejt të marrin vendim për rinisjen e futbollit.
Ky është reagimi i plotë i FC Prishtinës:
Me rifillimin e Superligës, Kosova jep shembull për menaxhimin e pandemisë
Parimi i UEFA-së është gjithmonë që ndeshja dhe fituesi i garave të shpallët në fushën e blertë. Andaj edhe për këtë arsye reagimi i tyre ishte i ashpër ndaj pak atyre shteteve që kanë vendosur të ndërpresin kampionatet.
Në vazhdën e kësaj fryme, si shtetet më të prekura nga pandemia si Spanja dhe Italia, e për Gjermaninë mos të flasim që do të rifillojë e para më 15 maj, kanë vendosur që patjetër të vazhdoj kampionati. Po ashtu edhe shtetet e rajonit, e sidomos shembullin më të mirë kanë dhënë vendi i nënkampionëve botëror, Kroacia.
Edhe pse me mbi 2.100 raste më të infektuar dhe me 86 humbje jetësh, nuk ka pasur asnjë skuadër kroate, jo se jo analist sportiv, që ka kërkuar të ndërpritet futbolli dhe nga moszhvillimi i saj të përfitoj ndonjë klub eventualisht.
Me ndihmën e shtetit kroat, të institutit të tyre të shëndetësisë, pas takimit me krerët e federatës dhe klubeve kroate, ato njëzëri janë pajtuar se tre testet e parapara për futbollistët janë barrë e madhe për klube, ato do të reduktohen në maksimum, por me masa normale të parapara nga rekomandimet, me çka kampionati do të rifillonte më 30 maj e do të përfundoj me ndeshjen e barazhit më 5 gusht. Njëjtë kampionatin do të vazhdojnë edhe fqinjët tanë verior të cilët janë më të infektuarit në rajon me afër 10.000 të diagnostifikuar dhe 206 humbje jetësh.
Duke iu kthyer realitetit tonë dhe sipas statistikave si vendi i 4-të më i miri me menaxhimin e kësaj pandemie, Instituti i Shëndetësisë Publike, FFK-ja, Ministria e Shëndetësisë dhe Qeveria jonë, do të jepte edhe një shembull para botës se vendi ynë mund të ia dal edhe në rinisjen dhe përfundimin e kampionatit të Superligës në fushën e blertë.
Po ashtu, duke marrë parasysh se klubet tona, pjesën më të madhe të buxhetit të saj e mbushin nga garat ndërkombëtare, do të dëmtoheshin jashtëzakonisht shumë dhe po ashtu do të qonte shumë pluhur, dhe nuk do të kishte rregullsi me çfarë do metode tjetër nëse do të vendosej për plasmanin në Evropë.
Andaj, FC Prishtina, futbollistët e saj, janë unik në qëndrimin, që shteti duhet të toleroj, të ndërmarr masa që të rinisë futbolli në Superligën tonë.
Për fund, nuk duam t’ua potencojmë se sa është e dëmshme shkenctarisht që një futbollist të jetë pa aktivitet dhe pa lojë futbolli për më shumë se një muaj, e lëre më gjashtë apo shtatë muaj.
Pra, kërkojmë me ngulm mirëkuptimin e organeve gjegjëse që të bëjnë maksimumin që sa më shpejt të marrin vendimin për nisjen e kampionatit të Superligës, kuptohet me masat që do të përfilleshin nga rekomandimet gjegjëse.
/Telegrafi/
Promo
Reklamo këtuLufta Prigozhin - Putin
Më shumëNga Rubrika
“Nuk kam parë kurrë një lojtar si ky”, Havertz bën një pretendim të madh për yllin e Arsenalit
Ten Hag tregon trajnerin e vetëm të Man United që ka transferuar të gjithë lojtarët që donte në dekadën e fundit
Arsenali hap bisedimet për transferimin e sensacionit brazilian që mban nofkën “Messinho”
Van Dijk i pakënaqur tek Liverpooli, legjenda e klubit paralajmëron transferimin e tij tek Real Madridi
Kylian Mbappe pranon garën 100 metra me Usain Bolt pasi simulimi tregon se çfarë mund të ndodhë
Florentino Perez dëshiron ta transferojë te Reali lojtarin që ëndërron të luajë për Barcelonën
Barcelona pendohet për qëndrimin e Xavit? Ekziston mundësia që spanjolli të shkarkohet nga klubi
Bisedimet kanë nisur, Jose Mourinho befason të gjithë me skuadrën e tij të re
Chelsea bëhet gati që të transferojë shokun e ngushtë të Mudryk për një shifër të ‘çmendur’ parash
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'