ISHP publikon statistika si është zhvilluar coronavirusi në Maqedoni
Instituti i Shëndetit Publik (ISHP) sot publikoi analizë të re statistikore për gjendjen me Covid-19 deri më 5 maj, kur në vendin tonë ishin regjistruar 1.539 raste.
Sipas analizës dhe rezultatit të sëmundjes, 25.6 përqind janë raste aktive, 68.7 përqind konsiderohen si të shëruar, janë lëshuar nga spitali ose janë me nga dy teste negative në mjekim shtëpiak.
Numri më i madh i të sëmurëve janë të moshës mbi 60 vjet ose 334 persona. Prej 15 prillit kur ishin regjistruar më së shumti të sëmurë – 107, numri i rasteve të reja shënon rënie.
Sipas analizës statistikore të ISHP-së, të bërë deri më 5 maj në 1.539 raste të konfirmuara me Covid-19, incidenca në 100.000 banorë në vend është 74,7.
Incidenca më e lartë kumulative është regjistruar në Kumanovë me 281.7 të sëmurë në 100.000 banorë, pastaj në Dibër 183.8, në Prilep 170.0 dhe Veles 129.8. Incidenca mbi 50 të sëmurë në 100.000 banorë është regjistruar në Shkup, Strugë, Shtip dhe Koçan. Qytetet të cilat regjistrojnë prej 0.0 deri 0.1 incidencë në 100.000 janë Shën Nikolla, Berova, Resnja, Kratova.
Sipas kësaj analize, mosha e të sëmurëve lëviz prej 0 deri në 94 vjet, ndërsa mesatarja është 45.1 vite. Numri më i madh i të sëmurëve janë të moshës mbi 60 vjet (334 persona) ose 21.7% me incidencë prej 871 në 100.000, ndërsa incidencë më të lartë specifike prej 115.1 në 100.000 është regjistruar te grupi i moshës prej 50 deri 59 vjet (320 persona).
Incidencë më e ulët prej 23.6 dhe 25.2 në 100.000 banorë u regjistrua te fëmijët e moshës prej 0 deri 9 dhe prej 10 deri 19 vjet, ku janë regjistruar 54, gjegjësisht 63 raste.
Numri më i lartë i rasteve të regjistruara në nivel ditor (107) është regjistruar më 15 prill të vitit 2020. Prej atëherë, numri i të sëmurëve, gjegjësisht lakorja epidemiologjike shënon rënie dhe sipas kësaj, prej 25 prillit deri më 2 maj janë regjistruar nën 30 raste të reja, ndërsa prej 2 deri më 5 maj janë regjistruar nën 15 raste të reja me Kovid-19.
Nga rastet e regjistruara 23.2% (357 persona) janë ose ishin hospitalizuar gjatë sëmundjes, ndërsa rastet tjera ishin ose në mjekim shtëpiak dhe në izolim shtëpiak, asimptomatikë ose me pasqyrë më të lehtë klinike. Te 33.5% (516 persona) nga të diagnostikuarit nuk janë regjistruar simptoma të sëmundjes.
“Janë regjistruar 88 raste të vdekjes dhe sipas kësaj shkalla e vdekshmërisë është 5,7 përqind. Nga rastet e regjistruara të vdekjes pjesa më e madhe janë të moshës mbi 60 vjet (57 persona). Nga të vdekurit te 75 për qind (66 persona) janë regjistruar komorbiditete”, qëndron në analizën e ISHP-së.
Prej 15 shkurtit deri më 5 maj, janë testuar gjithsej 17863 materiale në laboratorët në të cilët bëhet testimi molekular për praninë e SARS-CoV-2./Telegrafi/
Lufta Prigozhin - Putin
Më shumëParlamentari finlandez, Kiljunen: Për keqardhje mosmbështetja e Serbisë për Kosovën në Këshillin e Evropës
Rama: Problemit të mbeturinave në kryeqytet i erdhi fundi
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Mesiq: Vuçiq si Millosheviqi, por “Serbia e Madhe” nuk do të bëhet
“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin Ranger në ShBA
Zëdhënësi i Qeverisë i kundërpërgjigjet Listës Serbe: Kamerat në veri janë në shërbim të sigurisë publike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë