Angelovska-Bezhoska: Depozitat e qytetarëve janë të sigurta

Depozitat e qytetarëve janë të sigurta. Nuk ka nevojë për ndonjë frikë midis qytetarëve. Baza e depozitave është e qëndrueshme, tha sonte guvernatorja e Bankës Popullore, Anita Angelovska-Bezhovska për “Top Tema”.

Angelovska-Bezhovska theksoi se si në çdo krizë, ka pasur një presion mbi bazën e depozitave dhe sinjalet për një tërheqje të caktuar të depozitave në baza ditore në gjysmën e dytë të marsit dhe fillimin e prillit, por që nga mesi i prillit ka pasur stabilizim.

“Si në çdo episod krizash që kemi pasur, ka një përkeqësim të perceptimit të qytetarëve. Ankthi është ndjerë në bazën e depozitave të bankave në gjysmën e dytë të marsit dhe fillimin e muajit prill, por që nga atëherë situata është stabilizuar. Ne nuk kemi rënie të depozitave, ka pasur një presion mbi bazën e depozitave dhe sinjale të një tërheqje të caktuar, por në fund të muajit, situata tregoi stabilizim dhe pati një rritje”, tha Angelovska-Bezhovska.

Ajo vlerësoi se tani presioni mbi bazën e depozitave ishte dukshëm më i ulët në krahasim me situatat e tjera të krizës që kemi pasur si vend.

Sa i përket masave të marra për sektorin real, guvernatorja tha se është shumë e rëndësishme që masat të synohen mirë dhe të bëhet një vlerësim i mirë.

“Si Bankë Qendrore, ne nuk kemi të gjitha informacionet për të dhënë një vlerësim të qëndrueshëm”, tha Angelovska-Bezhovska./Telegrafi/