SHBA dhe Suedia kanë pasur qasje të ndryshme ndaj COVID-19, por të dy këto vende mund të përfundojnë me shkallë të lartë të vdekjes

Suedia dhe Shtetet e Bashkuara kanë pasur qasje të ndryshme ndaj pandemisë së coronavirusit, por të dy mund të përfundojnë me shkallë të lartë të vdekjes.

Suedia ka shmangur karantinën në të gjithë vendin, duke i lënë shkollat ​​dhe bizneset jo-thelbësore të hapura dhe duke i nxitur banorët e saj të mbajnë distancë sociale. Ndërsa SHBA-të, ndërkohë, janë mbështetur në urdhrat e qëndrimit në shtëpi për të parandaluar përhapjen e virusit – por shumë vende janë ballafaquar me protesta, sepse mijëra qytetarë nuk e duan karantinimin. Por heqja e masave të kufizimit, nga shumë ekspertë shihet se mund të kthejë një valë tjetër të virusit, shkruan Business Insider.

Qasja e diskutueshme e Suedisë, e cila duket se mbështetet në “imunitetin e tufës”, nuk ka shkuar ashtu siç e kanë menduar drejtuesit e vendit. Suedia, e cila ka më shumë se 10 milionë banorë, ka 23.226 të infektuar nga COVID-19 dhe 2.8554 vdekje nga virusi – një normë vdekjeje prej 279.98 vdekjesh për 1 milion njerëz, një nga më të lartat në botë, transmeton Telegrafi.

Shtetet e Bashkuara, të cilat kanë një popullsi prej 328.2 milionë, kanë parë 1.152.372 raste me COVID-19 dhe 67.456 vdekje nga virusi, që do të thotë se ajo ka përjetuar një normë prej 205.53 vdekjeve për 1 milion njerëz.

Suedia dhe SHBA-ja janë ndër 10 vendet e para me nivelin më të lartë të vdekjes për frymë nga COVID-19, sipas të dhënave nga Satista. Në bazë të të dhënave, Kanada ka 108.02 për 1 milion njerëz. Vendet e tjera nordike janë edhe më të ulëta – Norvegjia ka një normë prej 40.27 vdekjesh për 1 milion njerëz, dhe Finlanda ka një normë prej 43,49.

Sidoqoftë, është e rëndësishme të theksohet se kombet e tjera, përfshirë Spanjën dhe Italinë, kanë nivele më të larta të vdekjes për frymë sesa SHBA dhe Suedia. Të dy vendet kanë popullsi më të vjetër, gjë që ndikon në nivelin e vdekjes, së bashku me faktorë të tjerë të tillë si disponueshmëria e testimit.

Suedia është duke u bërë më keq se vendet e tjera nordike

Strategjia e Suedisë është unike në krahasim me vendet tjera në Evropë, ku vende si Italia, Spanja dhe Britania e Madhe kanë lëshuar urdhra dhe bllokime të rrepta të qëndrimit në shtëpi për të ndihmuar në parandalimin e përhapjes së virusit.

Rezultatet e për të arritur imunitetin e tufës mbeten ende të panjohura kur bëhet fjalë për coronavirusin. Ende mbetet e paqartë nëse antitrupat nga COVID-19 japin njerëzve imunitet, dhe për sa kohë zgjat.

Qasja amerikane nuk është aspak e mirë

Disa shtete kanë filluar rihapjen e bizneseve jo thelbësore në javët e fundit, dhe vendi mund të shohë një goditje vdekjeprurëse këtë muaj si rezultat i hapjes së vendit.

SHBA raportoi 823 vdekje të reja COVID-19 të martën. Parashikimet nga qeveria sugjerojnë se mund të ketë 3,000 vdekje të reja në ditë deri më 1 qershor. /Telegrafi/