Tom Cruise bashkëpunon me NASA për një film në hapësirë

Ylli amerikan, Tom Cruise, raportohet se është në bisedime me NASAn për të xhiruar filmin e parë në hapësirë.

Lajmin e ka konfirmuar administratori i NASAs, Jim Bridenstine, me anë të një postimi të ndarë në rrjetin social, Twitter.

“NASA është e entuziazmuar të punojë me Tom Cruise për një film në bordin e Stacionit Hapësinor”, ka shkruar ai.

“Ne kemi nevojë për figura të njohura për të frymëzuar një gjeneratë të re inxhinierësh dhe shkencëtarësh për t’i bërë realitet planet ambicioze të NASAs”, vazhdon Jim.

NASA is excited to work with @TomCruise on a film aboard the @Space_Station! We need popular media to inspire a new generation of engineers and scientists to make @NASA’s ambitious plans a reality. pic.twitter.com/CaPwfXtfUv

— Jim Bridenstine (@JimBridenstine) May 5, 2020

Bridenstine nuk dha më shumë detaje por Cruise thuhet se po punon me CEOn e Teslas dhe sipërmarrësin e SpaceX, Elon Musk për të realizuar filmin e parë të xhiruar në hapësirë.

SpaceX po ashtu nuk e ka konfirmuar rolin e tij në projektin e filmit, por Tom mund të fluturojë në hapësirë në anije kozmike të kompanisë, Crew Dragon.

Lexo po ashtu “Mission Impossible 7” mund të shtyhet për shkak të coronavirusit

Në anën tjetër, Musk nuk e ka konfirmuar zyrtarisht bashkëpunimin, por iu përgjigj Bridenstine me një koment: “Duhet të jetë shumë argëtues”.

Aktori së fundmi kishe anuluar xhirimet e “Mission Impossible 7” pas përhapjes së madhe të coronavirusit në Itali, ndërsa shquhet për rolet e tij të guximshme në projekte të ndryshme filmike. /Telegrafi/