Kompanitë farmaceutike “Pfizer Inc dhe BioNTech” deklaruan të martën se kanë filluar shpërndarjen e dozave të vaksinave të tyre eksperimentale kundër coronavirusit, për testimin fillestar tek njerëzit në Shtetet e Bashkuara të Amerikës.
Sipas mediave të huaja, përcjell Telegrafi, farmacisti amerikan Mikael Dolsten, dhe kolegu i tij gjerman Ryan Richardson, thanë se nëse vaksina rezulton të jetë efektive dhe e sigurt në testime, do të jetë e mundur shpërndarja e dozës në të gjithë SHBA-në deri në fund të vitit.
Kujtojmë se kjo vaksinë ka potencialin të jetë ndër e para kundër virusit që ka infektuar më shumë se 1 milion njerëz në Shtetet e Bashkuar të Amerikës, ndërsa ua ka marrë jetën 68 mijë personave.
Përndryshe aktualisht nuk ka trajtime ose vaksina të aprovuara plotësisht kundër coornavirusit, mirëpo, disa ilaçe janë duke u përdorur tek pacientët nën një autorizim të përdorimit urgjent.
Studimi i SHBA-së është pjesë i një programi më të gjerë, global që tashmë po zhvillohet në Gjermani, ku operon baza e BioNTech. Shpërndarja e dozës atje ka filluar muajin e kaluar.
“Pfizer” tha javën e kaluar se shpreson të marrë autorizim emergjent nga Administrata e Ushqimit dhe e Barnave të SHBA-së që në tetor, dhe mund të shpërndajë deri në 20 milionë doza deri në fund të vitit 2020, me një sy drejt prodhimit të qindra miliona dozave vitin e ardhshëm. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251