Ditëlindja e 14-të e vajzës së ndjerë të Kobe Bryant, nëna e saj bën dedikim prekës

Në janar të këtij viti, Kobe Bryant së bashku me vajzën e tij kanë ndërruar jetë pas një aksidenti me helikopter.

Lajmi për vdekjen e tyre u raportua në media lokale e ndërkombëtare, duke shprehur kështu ngushëllime edhe kolegë e familjarë. Anipse janë bërë pesë muaj nga vdekja e tyre, familjarët e tyre ende vazhdojnë me dedikime të përzemërta për ta.

Bashkëshortja e basketbollistit të ndjerë, Vanessa Bryant, përmes rrjetit social Instagram ka publikuar një fotografi të Gianna Bryant që e ka shoqëruar me një mesazh prekës.

https://www.instagram.com/p/B_HRI9ujY-0/

Gianna, e cila kishte qenë e pranishme me babanë e saj gjatë aksidentit, sot (1 maj) do të festonte ditëlindjen e saj të 14-të.

“Urime ditëlindjen e 14-të për vogëlushen time të ëmbël, Gianna. Mami të do më shumë sesa mund të ta tregoj ndonjëherë. Je pjesë e shpirtit tim përgjithmonë. Më mungon shumë çdo ditë.

https://www.instagram.com/p/B_psEN4jWPc/?utm_source=ig_embed

Do të dëshiroja të zgjohesha dhe të të kisha pranë. Më mungon buzëqeshja jote, përqafimet tua dhe të qeshurat pafund. Më mungon gjithçka rreth teje, Gigi. Të dua shumë!”, ka shkruar Vanessa në postimin e saj.

Gianna ishte më e njohur për publikun, pasi kishte trashëguar nga babai i saj dashurinë dhe talentin për basketbollin. /Telegrafi/