UNDP i dhuron IKSHPK-së 3 mijë teste për COVID-19

Programi i Kombeve të Bashkuara për Zhvillim (UNDP) në Kosovë i dhuroi sot 3,000 komplete testimi për zbulimin e COVID-19 Departamentit të Mikrobiologjisë Molekulare të Institutit Kombëtar të Shëndetësisë Publike në Kosovës.

Në njoftim thuhet se kompletet për testim IKSHPK-së ia dorëzoi Ass. Dr Xhevat Jakupi dhe Valbona Bogujevci, Asistente e Përfaqësueses së Përhershme të UNDP-së.

“Që nga shpërthimi i pandemisë COVID-19, UNDP është duke punuar ngushtë me autoritetet për të mbështetur përpjekjet në luftën kundër pandemisë duke siguruar që të gjithë njerëzit në Kosovë, përfshirë stafin që vepron në vijën e parë, grupet e rrezikuara dhe të margjinalizuara, viktimat e dhunës në familje dhe pakicat”, thuhet në njoftim.

Tutje në njoftim thuhet se UNDP është fuqimisht e përkushtuar për një partneritet të vazhdueshëm me institucionet e Kosovës dhe që së bashku do të jenë më të fuqishëm në luftën kundër COVID-19.

“Në ditët dhe javët e ardhshme, UNDP në Kosovë, së bashku me Agjencitë e tjera të OKB-së dhe partnerë të tjerë të zhvillimit do të vazhdojnë të kontribuojnë për mirëqenien e të gjithë qytetarëve të Kosovës”, thuhet në njoftimin e UNDP./Telegrafi/