Metelko-Zgombiq: Jemi në pritje të kornizës së KE-së për bisedimet e pranimit me Maqedoninë e Veriut

Presidenca kroate është duke pritur për kornizën e bisedimeve që do ta ofrojë Komisioni Evropian për negociatat e pranimit me Maqedoninë e Veriut, pas së cilës çështja do të jetë në rendin e ditës së ministrave dhe do të vendoset hapja e kapitujve të parë, informon AIM nga Brukseli.

Në një video konferencë pas takimit të Ministrave të BE për Çështje Evropiane, sekretarja kroate Andreja Metelko-Zgombiq, duke u përgjigjur në pyetje të gazetarëve tha se “është bërë punë e madhe që është marrë vendim për hapjen e bisedimeve të anëtarësimit me Maqedoninë e Veriut dhe Shqipërinë” muajin e kaluar.

“Sipas saj vendimi, tani e para e Komisionit Evropian është që të përgatit kornizën e bisedimeve, dhe unë jam e bindur që ata po punojnë me kujdes për të, pasi të përgatitet kjo kornizë, ministrat do të jenë të lumtur ta diskutojnë atë, dhe pastaj do të dimë se cilat do të jenë hapat e ardhshme”, tha Metelko-Zgombiq për AIM-në.

Kuadri negociues i përgatitur nga Komisioni Evropian janë temat kryesore dhe parimet mbi të cilat do të bazohet procesi i negociatave, ky dokument duhet të aprovohet nga të gjitha vendet anëtare të BE-së. Vendi kandidat duhet të përgatisë kornizën e tij të negociatave./Telegrafi/