A mund të mbijetojë coronavirusi në qese për shumë përdorime

Edhe pse është relativisht e njohur sa gjatë mund të qëndrojë virusi në qese për shumë përdorime, një hulumtim sugjeron që virusi mund të mbetet në plastikë deri në tri ditë

Sipas profesorit të shkencave në Universitetin e Sydneyt, Timothy Newsome, rreziku nga përhapja e coronavirusit nëpërmjet qeseve për shumë përdorime është relativisht i ulët, shkruan Independent, përcjell Telegrafi.

– Çdo gjë që del nga shtëpia dhe pastaj kthehet në shtëpi paraqet rrezik të ulët nga infektimi me virus. Më së shpeshti virusi bartet nga personi te personi, kështu që jemi shumë më tepër të brengosur për njerëzit sesa për plastikën – ka thënë Newsome.

Në gjithë SHBA-në, shumica e shteteve kanë vendosur që përkohësisht t’i ndalojnë qeset për shumë përdorime, në mënyrë që të zvogëlohet rreziku nga bartja e coronavirusit.

Ky hap është kthesë dramatike e trendit të paradokohshëm që shtetet dhe komunat të ndalojnë qeset plastike për një përdorim.

Si të ulni rrezikun nga infeksioni?

Në vend që të hidhni qeset për shumë përdorime, profesor Timothy Newsome propozon që të reduktoni blerjen në minimum.

– Nëse mundeni dy herë në javë të shkoni për t’u furnizuar, apo madje t’i ofroni komshiut blerjen, do të ishte gjë e mirë – shton ai.

A duhet t’i pastroni qeset për shumë përdorime?

– Nëse jeni të brengosur që në çantat tuaja mund të qëndrojë virusi, këshilloheni ta pastroni.

Gjithashtu duhet t’i lani duart pasi ta përfundoni vendosjen e artikujve, thotë doktor dr. Donald Schaffner, mikrobiolog dhe ekspert i ushqimit të sigurt në Universitetin Rutgers.

Shamitë antibakteriale dhe mjetet dezinfektive mund të përdoren për pastrimin e çantave për shumë përdorime, ndërsa çantat me material të fortë mund të lahen edhe me ujë të nxehtë dhe sapun.

Shumica e qeseve nga pambuku dhe tekstili mund të lahen në rrobalarëse – thotë Schaffner. /Telegrafi/