Raka: Në Task Forcën e IKShPK-së për Kuvendin nuk ishte asnjë mikrobiolog, mbledhja nuk duhet të mbahet

Mikrobiologu Lul Raka, ka thënë se në Task Forcën e Institutit Kombëtar të Shëndetit Publik, e cila i është përgjigjur Kuvendit të Kosovës, nuk ka qenë asnjë mikrobiologë.

Kështu ka bërë të ditur ai përmes një postimi në Twitter, transmeton Telegrafi.

“Në Task-Forcën e IKSHPK që ju ka përgjigjur Kuvendit nuk paska qenë asnjë mikrobiolog që punon në këtë shtëpi”, ka shkruar Laka.

Ai po ashtu ka thënë se mbledhja e seancës nuk duhet të mbahet.

Ndryshe, në përgjigjen e IKSHPK-së drejtuar kryetares së Kuvendit, Vjosa Osmanit, thuhet se: “IKSHPK ka paralajmërua se këto dy javë në vijim janë të rëndësishme për parandalimin e përhapjes së COVID-19 me një probabilitet të shtuar, i cili është aproksimativ i bazuar në përllogaritjen e algoritmeve të shteteve të Evropës dhe përcjelljen e situatës epidemiologjike në vendin tonë.

Lexo po ashtu IKSHPK i përgjigjet Osmanit: Ne nuk interferojmë në përmbushjen e detyrave kushtetuese

“IKSHPK nuk interferon në përmbushjen e detyrave kushtetuese të institucioneve shtetërore. Megjithatë ne rekomandojmë që në cilëndo situatë, krahas protokollit të ndërmerren të gjitha masat e domosdoshme në përputhje me kushtet e punës, që përfshinë dezinfektimin e hapësirave të punës, kontrollin mjekësor të çdo pjesëmarrësi para hyrjes dhe mbajtjen e distancës”, thuhej në përgjigjen e IKSHPK-së./Telegrafi/