Aktori Daniel Dae Kim diagnostikohet me coronavirus, ndan eksperiencën e tij me ndjekësit

Aktori Daniel Dae Kim thotë se është diagnostikuar me coronavirus, teksa beson se ai kontraktoi virusin kur ishte në New York duke filmuar serinë televizive “New Amsterdam”.

Në një video 10-minutëshe të postuar në Instagram, Kim, i njohur për rolet e tij në “Lost ” dhe “Hawaii 5-0”, tha se kishte dhimbje në fyt dhe pas filmimit u kthye në Hawaii për të qenë me familjen e tij.

Pasi u kthye në Hawaii, Kim u karantinua dhe filloi të tregojë simptoma të tjera, si shtrëngimi i gjoksit, dhimbjet e trupit dhe ethe.

Mjeku i tij rekomandoi që ai të testohej për coronavirus, të cilin e bëri në një qendër testimi në Honolulu.

51-vjeçari po ashtu u izolua edhe nga familja e tij gjatë kësaj kohe, dhe që nga arritja në Hawaii, i njëjti la shtëpinë vetëm për të shkuar në qendrën e testimit.

Daniel kurrë nuk u shtrua në spital dhe nuk i trajtoi simptomat me ilaçe, pushim apo lëngje.

https://www.instagram.com/p/B97DQshgJIN/

Kim thekson se pandemia nuk është ‘çështje jetë apo vdekje’, por u bëri thirrje të tjerëve të praktikojnë distancimin dhe të ndjekin udhëzimet e mjekëve.

“Nëse e trajtoni këtë pa kujdes, ju po rrezikoni jetën e miliona njerëzve, përfshirë edhe të dashurit tuaj”, vazhdon ai.

Ylli amerikan gjithashtu bëri thirrje për t’i dhënë fund sjelljes ksenofobike që ka shkaktuar pandemia, duke i quajtur veprime të tilla ‘frikacake’ dhe ‘të pafalshme’.

“Po, unë jam aziatik. Dhe po, unë kam coronavirus, por nuk e kam marrë atë në Kinë. Unë e kam marrë atë në Amerikë – në New York”.  “Përkundër asaj që liderë të caktuar politikë duan ta quajnë atë, unë nuk e konsideroj vendin nga është aq i rëndësishëm sa njerëzit që janë të sëmurë dhe që po vdesin”.

“Unë jam mirënjohës që jam i gjallë dhe i shëndetshëm. Më jep shpresë se përmes përpjekjeve tona kolektive mund ta kalojmë këtë”, përfundon Daniel Dae. /Telegrafi/

https://www.instagram.com/p/B9xOytuA84W/