Ministria turke e mbrojtjes thotë se dy ushtarë të saj janë vrarë në veri-perëndim të Sirisë në një sulm nga forcat e qeverisë siriane, pasi luftimet në provincën Idlib të vendit të shkatërruar nga lufta vazhdojnë në prag të bisedimeve të shumëpritura midis presidentëve të Turqisë dhe Rusisë.
Pas sulmit të së mërkurës, i cili gjithashtu la gjashtë trupa turq të plagosur, forcat e Ankarasë u hakmorën duke goditur caqe ushtarake siriane, tha ministria e mbrojtjes në një deklaratë.
Ky sulm erdhi një ditë pasi një ushtar tjetër turk u vra nga zjarri sirian dhe nëntë të tjerë u plagosën, transmeton Telegrafi.
Të paktën 59 ushtarë turq janë vrarë në Idlib qëkur Turqia filloi fushatën e saj ushtarake në bastionin e fundit të rebelëve të Sirisë, ku një ofensivë qeveritare e mbështetur nga Rusia ka detyruar gati një milion njerëz të iknin drejt kufirit të mbyllur turk në kërkim të sigurisë.
Të dielën, Turqia, e cila mbështet disa grupe rebele në Idlib, deklaroi zyrtarisht fillimin e një operacioni në shkallë të plotë kundër forcave të presidentit Sirian Bashar al-Asad.
E quajtur “Mburoja e pranverës”, operacioni erdhi si përgjigje e vrasjes së 34 ushtarëve turq në sulmet ajrore të qeverisë siriane javën e kaluar, viktimat më të mëdha të pësuara nga forcat e armatosura të Turqisë në dekada.
Që atëherë Turqia ka rrëzuar tre avionë luftarakë sirianë dhe vrau dhjetëra ushtarë të qeverisë dhe luftëtarë aleatë – kryesisht përmes sulmeve të avionëve, sipas vëzhguesve.
Të mërkurën, presidenti turk Rexhep Tajip Erdogan e quajti operacionin “një luftë historike”, duke shtuar se Ankaraja nuk do të braktisë Sirinë e shtypur.
Sinem Koseoglu i Al Jazeera, duke raportuar nga Cilvegozu në kufirin turko-sirian, tha se qeveria turke po bëhet gjithnjë e më e zëshme për domosdoshmërinë e fushatës së saj ushtarake.
“Zyrtarët thonë se Turqia është në Siri për të mbrojtur kufijtë e saj dhe miliona civilë të pafajshëm që vuajnë nga mizoritë e qeverisë siriane në rajon”, tha ajo.
Turqia, e cila tashmë pret rreth katër milionë refugjatë, dëshiron të parandalojë një fluks tjetër nga Idlibi. /Telegrafi/
Promo
Reklamo këtuLufta Prigozhin - Putin
Më shumëHamasi pranon marrëveshjen e propozuar nga Egjipti dhe Katari për një armëpushim në Gazë
Droni ukrainas hedhë në erë anijen ruse në Krime, pamje nga aksioni
Jordania paralajmëron për "masakër" nëse nuk parandalohet sulmi izraelit në Rafah
Shpërthime në Rafah pas paralajmërimeve për evakuim
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Shtatë të vdekur nga sulmi me dronë ukrainas në Belgorod të Rusisë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Erjolën e hedhin në mes të natës në pishinë, i ekspozohen pjesët intime
Këngëtari i famshëm britanik bën publike lidhjen me bukuroshen shqiptare, Xhoana Xheneti
Gjeti trupin e 9-vjeçares në Bunë, peshkatari: Pashë me dritë telefoni, dukej si kukull
Vrima e akullit në Antarktidë sa madhësia e Zvicrës vazhdon e rritet - shkencëtarët e zbulojnë pse
Ish-futbollisti që e la karrierën profesioniste për t'u bërë luftëtar në UFC tani po shpartallon kundërshtarët
VAR sinjalizoi për kartonin e kuq "më të keq në histori" në ligën e Francës, ndërsa tifozët thonë 'ne menduam se Liga Premier ishte keq'