Rama: Nuk e kam quajtur Isa Mustafën tinëzak, ka rënë pre e titujve të deformuar

Kryeministri i Shqipërisë, Edi Rama ka thënë se nuk e ka quajtur kreun e Lidhjes Demokratike të Kosovës, Isa Mustafa tinëzak.

Rama në një postim në Twitter theksoi se Mustafa ka rënë pre e titujve të deformuar se as nuk e ka quajtur tinëzak, e as nuk ka thënë se kanë folur për Mini Shengenin në tryezat e procesit të Berlinit.

“Ja kështu është kur njeriu bie pre e titujve të deformuar, sepse unë s’e kam thënë e as kam menduar të të quaj ‘tinëzak’! Ashtu sikundër nuk kam thënë që është folur për ‘MiniShengenin’ në tryezat e procesit të Berlinit, përkundrazi e kam shpjeguar qartë edhe këtë…”, shkruan Rama.

Lexo po ashtu Rama e quajti politikan tinëzak, kjo është përgjigja e Mustafës

Ndryshe,  Kryetari i Lidhjes Demokratike të Kosovës, Isa Mustafa, i ishte kundërpërgjigjur kryeministrit të Shqipërisë, Edi Rama, i cili në një intervistë televizive e ka cilësuar Mustafën si politikan tinëzak.

Mustafa, përmes një postimi në Facebebook, tha se nuk dëshiron ta cilësojë Ramën, ashtu siç e meriton, sepse është Kryeministër i Shqipërisë. /Telegrafi/

@IsaMustafaKS ja kështu është kur njeriu bie pre e titujve të deformuar, sepse unë s’e kam thënë e as kam menduar të të quaj “tinëzak”! Ashtu sikundër nuk kam thënë që është folur për “miniShengenin” në tryezat e procesit të Berlinit, përkundrazi e kam shpjeguar qartë edhe këtë..

— Edi Rama (@ediramaal) March 2, 2020