Chelsea triumfon në derbin e zjarrtë londinez ndaj Tottenham

Derbi londinez i takoi Chelseat me rezultat 2-1, në një ndeshje ku djelmoshat e Frank Lampard dominuan nga fillimi deri në fund.

Vetëm pas 15 minutave lojë erdhi goli i parë në ndeshje, me autor francezin Olivier Giroud që për të ishte goli i parë këtë edicion në Ligën Premier.

Marcos Alonso pati mundësi ta dyfishoj epërsinë në minutën e 24-të, por para tij intervenoi Hugo Lloris.

Lucas Moura dhe Davinson Sanchez kishin raste për Spurs, por pa arritur të shënonin.

Kësisoj me epërsinë minimale 1-0 të Chelseat skuadrat shkuan në pushim.

Ekipi i Frank Lampard gjeti golin e dytë në minutën e 48-të, kur realizoi Marcos Alonso pas asistimit nga Ross Barkley.

Spanjolli Alonso ka mundur të shënoj edhe në minutën e 82-të, por shtylla ia mohoi golin nga gjuajtja e lirë.

Spurs gjetën golin në minutën e 89-të, kur pas një goditje të Lamelas, Rudiger e devijoi topin për ta dërguar në rrjetë.

Kësisoj Chelsea arriti të triumfonte në derbin londinez dhe ta mposhtë për herë të dytë këtë edicion rivalin lokal Tottenham Hotspur.

Chelsea pas këtij triumfi vazhdon të mbetet në pozitën e katërt në tabelë me 44 pikë, katër më shumë se Spurs. /Telegrafi/

Giroud's Goal Depicts The Literal Meaning Of Persistency.
I Hope Chelsea Can Hold On To That Mentality For The Rest Of The Game. We Need That Attitude #CHETOT pic.twitter.com/iSsE5Ylp9b

— Waziri BlackBoy (@Tmaiwaz) February 22, 2020

48' Marcos Alonso goal against Tottenham (2-0) pic.twitter.com/800oOeqH5I

— Goal Line (@allgoalline) February 22, 2020