Pamje tronditëse të një aksidenti në Ohio: Autobusi përplaset me një veturë dhe përmbyset, fëmijët “fluturojnë” nga ulëset e tyre

Disa pamje tronditëse janë publikuar sot teksa një autobus i shkollës goditet nga veturë, dhe përmbyset – pamje që thuhet se janë bërë në Ohio të SHBA-së.

Siç edhe mund të shihet, studentët janë të tmerruar nga ajo që ndodhi duke bërtitur, ndërsa përpiqen të dalin nga automjeti.

Sidoqoftë, shoferi i autobusit Danny Hupp, 74 vjeç mbetet i qetë gjatë gjithë incidentit dhe ndihmon 25 fëmijët që të dalin qetë nga aty, shkruajnë mediat e huaja, përcjell Telegrafi.

Në një video të publikuar nga Patrulla e Sigurisë në Ohio në lidhje me incidentin e 19 dhjetorit, studentët janë parë duke përdorur telefonat e tyre dhe ndodhen të qetë në makinë.

Megjithëse ata goditen më pas nga një Ford Mustang në kryqëzimin e Rrugës Shtetërore 13 dhe Rrugës Shtetërore 204.

Pasagjerët hidhen në ajër dhe shtyhen kundër mureve anësore ndërsa automjeti kthehet dhe përplaset përsëri në rrugë.

Studentët përpiqen të mbahen në vendet e tyre ndërsa pushojnë përsëri dhe fillojnë të bërtasin prej tmerrit nga rrëzimi i frikshëm.

Pavarësisht tronditjes, shoferi i autobusit Danny Hupp mbetet i qetë në vendin e tij, duke vlerësuar situatën para se të fillojë të ndihmojë të udhëzojë fëmijët.

“Ne ishim goxha me fat, sinqerisht. E gjithë pjesa e përparme e autobusit ishte në copa”, tha studenti Ayden Lutz.

“Mbaj mend që autobusi rrëshqiste në të majtë dhe u rrëzova, duke goditur tavanin”, ka shtuar ai.

Tetë nga studentët dhe shoferi i autobusit, u dërguan në spital pas përplasjes, por asnjëri nuk pësoi lëndime serioze.

Shoferi i Ford Mustang, Joseph Thornton, 42 vjeç, u dërgua gjithashtu në spital duke pësuar lëndime të rënda.

Ai raportohet se kishte vozitur me licencë të pezulluar dhe çështja i është dërguar Prokurorit të qytetit, Perry County. /Telegrafi/