Erërat e fuqishme kanë shkaktuar dëme të mëdha në rajonin e Dukagjinit. Istogu ishte komuna më e prekur nga kjo fatkeqësi natyrore. Në këtë komunë, pos që nuk është mbajt sot mësim, gjithashtu as nesër nuk do të mbahet. Teksa, qeverisja lokale po kërkon ndihmë nga ajo qendrorja për dëmet e shkaktuara.
Dëme të mëdha materiale janë shkaktuar në Istog si pasojë e erërave të fuqishme, që ishin prezentë për dy ditë në këtë komunë.
Erërat dëmtuan shkollën fillore “Zymer Zeka” ne fshatin Kaliqan të Istogut, të cilës i është hequr kulmi ne tërësi.
“Erërat kanë filluar ditën e djeshme nga ora 10 e mëngjesit dhe kanë vazhduar deri në orën 4 të mëngjesit. Më të fuqishme kanë qenë nga ora 11:00-12:00 i natës”, deklaroi Besim Kaliqani.
Dëme janë shkaktuar edhe në shkollën fillore ‘Hysni Zajmi në fshatin Vrellë.
“Nuk mbahet mend të ketë fryrë kësaj ane më shume se natën e sotme, kështu që siç po e shihni edhe vetë dëmet janë katastrofale, më se gjysma e kulmit të pullazit të shkollës është e tërhequr, llamarina përgjithësisht e kulmit është e dëmtuar”, deklaroi Sadik Bicaj.
Qytetari Ismet Hoxha përmend dëmet që u shkaktuan në shtëpinë e tij.
“Ka qenë erë shumë e madhe. Ka filluar nga ora 10:00 në mëngjes e ka vazhduar deri në ora 4:00 në mëngjes kemi qëndruar zgjuar. Jemi trishtuar edhe ne edhe fëmijët. Dëmet janë të mëdha. Gjysma e qeramidheve më janë thyer. Po ashtu edhe kulmi më është dëmtuar shumë. Ma ka thye edhe oxhakun. Shtëpia është dridhur nga era e madhe”, deklaroi qytetari Ismet Hoxha.
Në anën tjetër, kryetari i Komunës së Istogut, Haki Rugova, ka formuar komisionin për mbrojtje dhe shpëtim, të cilët sipas tij kanë filluar menjëherë punën në terren.
Nga kjo gjendje shkollat u mbyllën dhe që nuk do të funksionojnë as të premten.
“Unë mendoj që shkolla nuk do të funksionoj edhe nesër nuk ka kushte për mbajtjen e mësimit… KEDS e dha premtimin sot që brenda ditës me sukses ka mjaft ekipe të angazhuara në terren dhe presim që brenda ditës një pjesë e mirë, sidomos në zona urbane të jetë e furnizuar me energji elektrike”, deklaroi Haki Rugova.
Ndërsa drejtori i Urbanizimi në këtë komunë, Besar Dreshaj, tha nuk dihet vlera e dëmeve materiale. Sipas tij, komuna nuk ka buxhet t’i mbulojë ato, duhet ndihmë nga Qeveria.
“Ne do të dalim me një raport përfundimtar se sa është dëmi. Besoj se do të kemi mbështetje edhe nga institucionet qendrore. Isha prezentë kur Kryetarin e kontaktoi edhe zëvendësministri Hoti dhe nesër besoj se edhe ata do të dalin në terren për të parë atë që ka ndodhur”, deklaroi Besar Dreshaj.
E kryeministri Albin Kurti, ka kërkuar që qytetarët të kenë kujdes këto ditë. Sipas Kurtit, Qeveria është udhëzuar të ketë vëmendjen e nevojshme ndaj kësaj situate, për të vlerësuar sfidat dhe për të marrë masat e duhura. /Telegrafi/
Promo
Reklamo këtuLufta Prigozhin - Putin
Më shumëNjë milion qytetarë të regjistruar deri më tani, dalin statistikat sipas komunave
Dënimi me 25 vjet i Sekiraqës, babai i Triumf Rizës: Kurrfarë vendimi, nuk e kuptoj si më të vlefshëm kriminelët se polici që mbron ligjin e shtetin
25 vjet burgim për Enver Sekiraqën
Human Rights Network dënon sulmin e ministrit Murati ndaj mediave dhe shoqërisë civile
Vendosja e kamerave të sigurisë në veri, Elshani: Do të krijojmë një klimë të sigurisë më të madhe te qytetarët
Hapet dyqani i parë social në Prishtinë, Rama: Qytetarët në nevojë mund të furnizohen çdo muaj falas me produkte ushqimore e higjienike
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe