Nga frika se mund të zgjerohet coronavirusi, autoritetet kineze i barrikadojnë banorët nëpër shtëpi e tyre – saldojnë shufra të hekurta nëpër dyer

Të infektuarit në Kinë me coronavirus, autoritetet e vendit janë duke i mbajtur të mbyllur nëpër shtëpitë e tyre nga frika se mund të zgjerohet edhe më shumë virusi.

Ndërkohë në rrjetet sociale në Kinë janë shpërndarë video rrëqethëse, ku shihen banorët duke u barrikaduar nëpër shtëpitë e tyre nga një grup njerëzish që po përdorin dërrasa dhe gozhda që të mbyllin dyert, dhe me këtë veprim t’ju pamundësohet dalja, transmeton Telegrafi.

Një video tjetër tregon se si pronari i shtëpisë hapë derën dhe tenton të dalë jashtë, por ishte një shufër e hekurt e salduar që ia pamundësonte ta bëjë një gjë të tillë.

Madje dera mund të hapet mjaftueshëm vetëm sa për të futur brenda ushqimin që u jepet nga autoritetet, kurse asnjë prej tyre nuk mund të del jashtë.

Personi që e ka shpërndarë videon pretendon se dy video tjera tregojnë se si të gjitha apartamentet në qytetin Diangu në Kinë janë bllokuar, duke ua salduar në hyrje shufrat e hekurta. /Telegrafi/

Two videos show all floors of a residential building in Jiangsu-China were blocked by welding fence because a confirmed case found in it. #2019nCoV #WuhanCoronavirus #WuhanVirus pic.twitter.com/C5i4UMltjl

— 𝓟𝓪𝓬𝓸 🇸🇬 (@PacoHk) January 29, 2020