Vdekja e Emiliano Sala: Cardiffi i dërgon informacione prokurorëve francezë për përfshirjen e Nantesit
Cardiff City u ka dorëzuar disa dokumente prokurorëve francezë në lidhje me Emiliano Sala për të ndihmuar në vendimin nëse Nantes do të përballet me procedura penale për vdekjen e ish-lojtarit të tyre.
Sulmuesi argjentinas vdiq kur aeroplani që barte atë në Uells u rrëzua në det janarin e vitit të kaluar pasi ai ishte duke u përgatitur për të nënshkruar kalimin në Cardiff nga klubi i Ligue.
Trupi i Sala u zbulua në ujërat pranë Ishujve Channel për dy javë pasi avioni u zhduk – ndërsa mbetjet e pilotit David Ibbotson nuk janë gjetur kurrë.
Cardiff dhe Nantes kanë qenë në mosmarrëveshje për pagesën e tarifës së transferimit prej 15 milionë funtesh për të cilën ata ranë dakord, pasi klubi nga Uellsi ka argumentuar se nuk kanë përgjegjësi sepse ai nuk ishte zyrtarisht lojtari i tyre kur u rrëzua avioni.
Ky klub tani ka bërë thirrje për një hetim për të përcaktuar nëse klubi francez duhet të mbahet përgjegjës penalisht.
“Cardiff City ka qenë i qartë përgjatë 12 muajve të fundit se kërkohet një hetim i plotë i fakteve që çojnë deri në tragjedi”, ka thënë fillimisht një zëdhënës i klubit.
“Jo vetëm për të kuptuar plotësisht se çfarë çoi në rrëzimin e aeroplanit Piper PA-46 Malibu, por për t’iu përgjigjur pyetjeve më të gjera që janë theksuar në këtë rast, veçanërisht të lidhura me përdorimin e fluturimeve të paligjshme në industrinë e futbollit dhe rolin e ndërmjetësit në transferimet e lojtarëve”.
“Si rezultat i hetimit tonë ne besojmë se ka prova të mjaftueshme për keqbërje që kërkon hetim nga autoritetet franceze të atyre që janë përgjegjës për rregullimin e transferimit në emër të FC Nantes dhe për rregullimin e fluturimit”.
“Prandaj, ne i kemi kaluar informacionet në Parkquet de Nantes për të ndihmuar përpjekjet e tyre. Ne mbetemi të përkushtuar për të vërtetuar faktet e plota dhe t’i përmbahemi çdo vendimi përfundimtar mbi detyrimin tonë financiar në transferim”.
Nantes, i cili ka mohuar në mënyrë të përsëritur çdo keqbërje në vdekjen e Sala, veshi një fanellë si kujtim ndaj ish-lojtarit të tyre gjatë ndeshjes të së dielës në ligë kundër Bordeuax. /Telegrafi/
Promo
Reklamo këtuLufta Prigozhin - Putin
Më shumëRoma 0-2 Bayer Leverkusen, nota e Granit Xhakës dhe të tjerëve
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe
Xhaka me Bayer Leverkusenin hap të madh drejt finales, Roma bie në ‘Olimpico’
Barcelona e hapur për të shitur yllin e madh të ekipit
Tifozët e Real Madridit kanë mbetur të habitur me praninë e ‘lojtarit misterioz’ me ekipin në Gjermani
Tifozët kanë mbetur të shokuar me pritjen që iu bë Toni Kroosit në ‘Allianz Arena’
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe